Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

நாயகனும் நானே... வில்லனும் நானே - அருண் விஜய்

22 நவ, 2020 - 20:21 IST
எழுத்தின் அளவு:
Actor-Arun-Vijay-interview

தமிழ் சினிமாவின் சிக்ஸ்பேக் ஹீரோக்களில், பிட் ஆன பாடியுடன், இன்றைக்கு அசத்தி வருபவர் நடிகர் அருண் விஜய். என்னை அறிந்தால் படத்தில் அஜித்துக்கு வில்லனாக நடித்த பிறகு, மார்க்கெட் பிக்கப் ஆகி, மீண்டும் பிசியாகி இருக்கிறார். அவர் அளித்த பேட்டி...

நீங்கள் புதிதாக நடித்து வெளி வர இருக்கும் படம் பற்றி?
இரண்டு நாட்களுக்கு முன், சினம் படத்தின் பர்ஸ்ட் லுக் வெளியிட்டு இருக்கிறோம். படம் ரிலீஸ்க்கு ரெடியாக இருக்கிறது. விரைவில் ரிலீஸ் ஆக உள்ளது. அடுத்து அக்னி சிறகுகள். மூடர் கூடம் நவீன் இயக்கத்தில், நானும் விஜய் ஆன்டனியும் நடித்து இருக்கிறோம். ரஷ்யா, கஜகஸ்தான் போன்ற நாடுகளில் எடுக்கப்பட்டுள்ளது.

ஓடிடி யில் படங்கள் ரிலீஸ் செய்வது குறித்து...?
அதுவும் ஒரு நல்ல பிளாட் பார்ம் தான். இருந்தாலும் தியேட்டரில் பார்க்கும் அனுபவம், அதில் கிடைக்காது. என் படங்கள் தியேட்டர்களில் தான் ரிலீஸ் ஆகும். அதுதான் என் விருப்பம். அதனால்தான் தியேட்டர் திறக்கும் வரை காத்திருந்து ரிலீஸ் செய்கிறோம். என் படங்கள் ஓடிடி யில் ரிலீஸ் ஆகாது.

என்னை அறிந்தால் படத்தின் விக்டர் கேரக்டருக்கு பிறகு, எப்படி கேரக்டரை தேர்வு செய்கிறீர்கள் ?
சினிமா ரசிகர்களிடம் என்னை நெருக்கமாக கொண்டு சேர்ந்தது விக்டர் கேரக்டர்தான். என்னை அறிந்தால் படத்துக்கு பிறகு ரசிகர்கள் என்னிடம் அதிகம் எதிர்பார்க்கின்றனர். அதனால் நான் கடுமையாக உழைக்க வேண்டி இருக்கிறது. படங்களையும், கேரக்டரையும் மிகவும் கவனமாக தேர்வு செய்து நடிக்கிறேன்.

போலீஸ் கேரக்டரை தேர்வு செய்வதற்கு, விசேஷ காரணம் உண்டா?
குற்றம் 23 படத்துக்கு பிறகு சினம் படத்தில் போலீஸ் கேரக்டரில் நடித்து இருக்கிறேன். எனக்கு வரும் கதைகள் பெரும்பாலும், துப்பறியும் திரில்லர் கதையாகவே இருக்கிறது. மக்களும் அதை விரும்புகின்றனர்.

ஹீரோ, வில்லன் இரண்டில் எது அதிகம்பிடித்திருக்கிறது?
ஹீரோ, வில்லன் இந்த இரண்டு கேரக்டரையும், மக்கள் ஏற்று கொண்டதில் எனக்கு ரொம்ப மகிழ்ச்சி.இரண்டு கேரக்டரையும் விரும்பிதான் செய்கிறேன். ஆனால், வில்லன் ரோல் பண்ணும் போது, இன்னும் சிறப்பாக பண்ணலாம். அதற்கு எல்லை இல்லை. அதனால் வில்லன் ரோல் சேலஞ்சிங்காக இருக்கிறது. ஹீரோ, வில்லன் இரண்டையும் சிறப்பாக செய்ய வேண்டும் என்பதுதான் என் விருப்பம்.

தொடர்ந்து வில்லன் கேரக்டர் செய்வதில் ஆர்வம் இருக்கிறதா?
கண்டிப்பாக நடிப்பேன். அது விக்டர் ரோல் மாதிரி இருக்க வேண்டும். கதையில் அந்த பாத்திரம் சவாலாக இருக்க வேண்டும். கேரக்டர் நல்லா இருந்தால் மக்கள் ஏற்றுக்கொள்வார்கள். குற்றம் 23 மற்றும் தடம் படங்கள் எல்லாம் அப்படித்தான் வெற்றி அடைந்தன.

மாபியா பார்ட் 1, பார்ட் 2 பற்றி...?
மாபியா பார்ட் 1 பண்ணும் போதே, பார்ட் 2 எடுக்க வேண்டும் என்று பேசினோம். படம் எப்படி வேண்டுமானாலும் விமர்சிக்கப்பட்டு இருக்கலாம். ஆனால் அது எனக்கு ரொம்ப பிடித்த படம். பார்ட் 2க்கு அதிக எதிர்பார்ப்பு இருக்கிறது. அதனால் கண்டிப்பாக பார்ட் 2 வரும்.

பரியேறும் பெருமாள், அசுரன் போன்ற கதைக்களம் உள்ள படங்களை தேர்வு செய்வீர்களா?
அந்த மாதிரி கதைக்களம் உள்ள படங்களில், ஏற்கனவே நான் நடித்து இருக்கிறேன். ஜனனம், அன்புடன்,பாண்டவர் பூமி இந்த படங்கள் எல்லாம் அந்த மாதிரியான கதை களம் கொண்ட படங்கள்தான். மக்களோடு ஒன்றிய ஒரு கதை வந்தால், அதில் கண்டிப்பாக நடிப்பேன்.

எந்த இயக்குனர் படங்களில் நடிக்க வேண்டும் ஆசை இருக்கிறது?
இயக்குனர் சங்கர் படங்களில் நடிக்க ஆசை. அதுவும் நிறைவேறும் என நினைக்கிறேன்.

மணிரத்னம், கவுதம் மேனன் இவர்களின் இயக்கத்தில் நடித்த அனுபவம் பற்றி சொல்லுங்களேன்?
கவுதம் மேனன் மல்டி டாஸ்கிங் டைரக்டர். சாதாரண சூழலை கூட, பிரமாண்டமாக காட்டும் ஆற்றல் உள்ளவர். அவருடைய விஷன் பிரமாதமாக இருக்கும். அதே போல், டயலாக்கும் பவர்புல்லாக இருக்கும். ரொம்ப பிராக்ட்டிக்கலானவர்.இயக்குவர் மணிரத்னத்தை பொறுத்தவரை, கதாபாத்திரங்களிடம் இருந்து என்ன வேண்டும் என்பதை தெளிவாக தெரிந்து கொண்டு அதை வாங்குவார். ஒரு ஆர்ட்டிஸ்டின் எமோஷன், பீலிங்ஸ் எல்லாவற்றையும் ஒரு பிரேமுக்குள் கொண்டு வருவதில், அவருக்கு இணை அவர் மட்டும்தான்.

Advertisement
கருத்துகள் (0) கருத்தைப் பதிவு செய்ய
எங்கேயும் எப்போதும் கேட்காத  ‛டியூன் : இசையமைக்கும் நடிகர் ஜெய்எங்கேயும் எப்போதும் கேட்காத ... காதல் விளக்கம்! காதல் விளக்கம்!

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Pizhai
    • பிழை
    • இயக்குனர் :ராஜவேல் கிருஷ்ணா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2020 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in