Dinamalar

பார்வதியின் படப்பிடிப்பு துவங்கியது

எழுத்தின் அளவு:

பொதுவாக குறைவான அளவிலேயே படங்களை ஒப்புக்கொள்பவர் என்பதால் இந்த லாக்டவுன் சமயத்தில் வேலை இல்லாமல் இருந்தது, நடிகை பார்வதிக்கு பெரிய விஷயமாக இருந்திருக்காது. இந்தநிலையில் கொரோனா தாக்கம் மற்றும் அதனால் பிறப்பிக்கப்பட்ட ஊரடங்கு உத்தரவு இரண்டையும் மிக்ஸ் செய்து, ஒரு புதிய கதையுடன் பார்வதியிடம் வந்தார் ஒளிப்பதிவாளர் ஷானு ஜான் வர்கீஸ்.. இவர் கமல் நடித்த விஸ்வரூபம் படத்தின் இரண்டு பாகங்களுக்கு ஒளிப்பதிவு செய்தவர். இவர் சொன்ன கதையை கேட்டதும் உடனே ஒகே சொல்லிவிட்டார் பார்வதி.

இந்த படத்தில் பார்வதியின் கணவராக பிரேமம் புகழ் ஷராபுதீனும் இன்னொரு ஹீரோவாக பிஜுமேனனும் நடிக்கின்றனர். கொரோனா தாக்கம் காரணமாக, ஊரடங்கு முதன்முதலாக அறிவிக்கப்பட்டபோது, அதற்கு முந்திய நாள் மும்பையில் இருந்து கேரளாவுக்கு ரயிலில் செல்லும் ஒரு தம்பதி சந்திக்கும் பிரச்சினைகள்தான் படத்தின் கதை.. சக ரயில் பயணியாக நடிக்கிறார் பிஜுமேனன்.

இந்தப்படத்தின் படப்பிடிப்பு தற்போது கேரளாவில் கோட்டயத்திற்கு அருகில் உள்ள பாலா என்கிற பகுதியில் நடைபெற்று வருகிறது. படப்பிடிப்பு புகைப்படங்களை பார்வதி தனது சோஷியல் மீடியா பக்கத்தில் பகிர்ந்துகொண்டுள்ளார்.

ஷானு ஜான் வர்கீஸ் இயக்குனராக மாறிவிட்டதால், இந்தப்படத்திற்கு பி.சி.ஸ்ரீராம் ஒளிப்பதிவு செய்கிறார். அதேபோல விஸ்வரூபம் எடிட்டரான மகேஷ் நாராயணன். தான் இயக்குனராகி விட்டாலும் கூட, தனது படங்களில் ஷானு ஜான் வர்கீஸ் ஒளிப்பதிவாளராக பணியாற்றியவர் என்பதால், அந்த நட்புக்காக இந்த படத்திற்காக மீண்டும் படத்தொகுப்பை மேற்கொள்கிறார்.

• 
  சைக்கிளில் படப்பிடிப்புக்கு வரும் ரகுல் பிரீத் சிங்
• 
  கோலமாவு கோகிலா இந்தி ரீமேக் தொடங்கியது
• 
  விஜய் சேதுபதி ஜோடியாக கத்ரீனா கைப்
• 
  விராட் கோஹ்லி - அனுஷ்கா சர்மா தம்பதிக்கு பெண் குழந்தை
• 
  ஜன., 25ந் தேதி வரை கங்கனாவை கைது செய்ய கோர்ட் தடை

• 
  இளம் கிரிக்கெட் வீரரின் சாதனையை பாராட்டிய நிவின்பாலி
• 
  கேரளாவில் தியேட்டர்கள் திறப்பு ; இரவு காட்சிகளுக்கு அனுமதி இல்லை
• 
  அஞ்சாம் பாதிரா ஒரு வருட நிறைவு : ஆறாம் பாதிரா அறிவிப்பு
• 
  மம்முட்டி படத்தின் டப்பிங் பணியை துவங்கிய மஞ்சு வாரியர்
• 
  'யுவரத்னா' - தியேட்டர்களில்தான் ரீலீஸ்