Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

‛ஹிந்தி_தெரியாது_போடா - தவறான முன்னுதாரணம் : அபி சரவணனின் 'நச்' பதிவு

07 செப், 2020 - 21:01 IST
எழுத்தின் அளவு:
Abi-Saravananss-post-about-celebrities-hindi-oppose-tweet-and-T-Shirt

ஹிந்தியை வைத்து மீண்டும் ஒரு அரசியல் களம் தமிழகத்தில் நடத்தப்பட்டு வருகிறது. கடந்த இரு தினங்களாக திரைப்பிரபலங்களும் சேர்ந்து கொண்டு ‛ஹிந்தி_தெரியாது_போடா என்ற வாசகங்கள் இடம்பெற்ற டி-சர்ட்டை அணிந்து கொண்டு பிரச்சாரம் செய்கின்றனர். இதனால் ‛ஹிந்தி தெரியாது போடா என்ற ஹேஷ்டாக் சமூகவலைதளத்தில் டிரண்ட் ஆனது. பதிலுக்கு ‛திமுக_வேணாம்_போடா என்ற ஹேஷ்டாக் டிரண்ட் ஆகி வருகிறது.

இந்நிலையில் தமிழ் சினிமாவில் வளர்ந்து வரும் நடிகராக உள்ள பட்டதாரி, மாயநதி போன்ற படங்களில் நடித்த அபி சரணவன், சமூகவலைதளத்தில் ஒரு அருமையான பதிவை போட்டுள்ளார். அந்த நீண்ட பதிவு இதோ...

கடந்த இரு நாட்களாக #ஹிந்திதெரியாதுபோடா என்ற வாசகங்கள் பிரபலங்களால் பிரபலபடுத்தப்படுகிறது. அவர்களுக்கு எனது கண்டனங்களும், சகோதரத்துவ, நட்பு அடிப்படை சுட்டுகாட்டலும்.

ஹிந்தி என்பது ஒரு மொழி... தகவல்களை பரிமாறி கொள்ள இந்தியாவில் அதிகபடியாக பேசப்படும் மொழிகளில் ஒன்று.... நமது தாய்மொழியை தமிழ் நமக்கு உயிர்போல இந்தியை தாய்மொழியாக கொண்ட இந்தியர்களுக்கு அது ஒரு சிறப்பான உணர்வு.... ஒரு சில தீவிர ஹிந்தி மொழி பற்றாளர்கள், உணர்வாளர்கள் மற்றும் சில அரசியல்வாதிகள், அரசியல் ஆதாயங்களுக்காக ஹிந்தியை திணித்து, நமக்கு அதாவது நமது முதல் சந்ததிக்கு ஒருவித வெறுப்பை உருவாக்கிவிட்டனர்...

ஆனால் ஹிந்தியை படித்த பல ஆயிரகணக்கான நண்பர்கள் இன்று மத்திய அரசு மற்றும் தனியார் நிறுவனங்களில் வெளிநாடுகளில் நல்ல பணியில் நல்ல சம்பளத்தில் பணி செய்து குடும்பத்துடன் மகிழ்ச்சியாக வாழ்கின்றனர். மொழி மட்டுமல்ல எந்த ஒரு விசயத்தையும் வலுகட்டாயமாக திணித்தால் அல்லது கட்டாயப்படுத்தினால் இயற்கயாகவே ஒருவித வெறுப்பு உண்டாகும் என்பது மனிதன் இயல்பு..

நவீன காலத்தில் இன்றைய இளைஞர்களாகிய நாங்கள் ஹிந்தியை கற்காமல் உதாசீனபடுத்தியதால் வட நாடுகளுக்கு செல்லும் போது உணவு, உறைவிடம் மற்றும் இதர அடிப்படை தேவைகளுக்கு கூட அடுத்தவரிடம் தகவலை மொழியால் பரிமாற முடியாமல் சைகை மூலம் கஷ்டப்பட்டு பேச வேண்டியிருக்கிறது.

ஹிந்தி கற்பதால் நமது அறிவு மழுங்க போவதில்லை... ஹிந்தி ஒரு மொழியாக நிச்சயம் இந்த நவீன காலத்தில் கற்றுக் கொள்ளவதில் எந்த தவறும் இல்லை. அந்த கால மன்னர்கள், கவிஞர்கள், புலவர்கள் என பல மொழிகள் கற்றறிந்தவர்கள் கல்வி கேள்வியில் சிறந்து விளங்கினர். ஆனால் எந்த காலத்திலும் தமிழை திட்டமிட்டு தவிர்த்து அல்லது நீக்கி ஹிந்தியை திணித்தால் தமிழனாக ஒரு நொடிகூட அனுமதிக்க கூடாது, அனுமதிக்க முடியாது.

உதாரணமாக தமிழ்நாட்டில் உள்ள ஏடிஎம்கள் மெசின்கள் அறிவிப்பு பலகைகள், மத்திய அரசு அலுவலகங்களில் தமிழுடன் ஹிந்தியையும், ஆங்கிலமும் பயன்படுத்துவதில் தவறில்லை. ஆனால் தமிழை தவிர்த்தால் தமிழ்நாடு மீண்டும் ஒரு பாடத்தினை உலகிற்கு கற்றுத் தரும் அது தமிழனின் மொழிப்பற்று வீரம், ஒற்றுமை.

ஆனால் ஒரு சில பிரபலங்கள் தங்களுக்கு லைக்குகள வாங்க #ஹிந்திதெரியாதுபோடா என்ற வாசகங்களை பிரபலபடுத்துவது இளைய சமுதாயத்தின் தரும் தவறான முன்னுதாரணம்... #ஹிந்திதெரியாதுபோடா என தனது பிடித்த பிரபலத்தின் போட்டோவை சமூக வலைதளததில் மட்டுமல்ல தனது மனத்திலும் பகிர்ந்து பதிந்து கொள்கின்றது இளைய சமுதாயம். எனவே நமது உயிருக்கு மேலான தாய்மொழி தமிழுக்கு முதலிடம் அளித்து ஆங்கிலம் மற்றும் ஹிந்தியை புறக்கணிக்காமல் அதையும் ஒரு மொழியாக நினைத்து கற்று கொள்ள வேண்டும், அது நிச்சயம் உதவும்...

ஹிந்தி எதிர்ப்பு பிரபலங்கள் தங்கள் #ஹிந்திதெரியாதுபோடா என்ற வாசகங்கள் நிறைந்த டி-சர்ட் போட்டோக்களை நீக்க அன்போடு கேட்டுக் கொள்கிறேன்.

இவ்வாறு அவர் பதிவிட்டுள்ளார்.

Advertisement
கருத்துகள் (35) கருத்தைப் பதிவு செய்ய
1650 ஏக்கர் காட்டை தத்தெடுத்த பிரபாஸ்1650 ஏக்கர் காட்டை தத்தெடுத்த பிரபாஸ் நல்ல செய்தி.... எஸ்.பி.பி.க்கு கொரோனா நெகட்டிவ் : மகன் சரண் நல்ல செய்தி.... எஸ்.பி.பி.க்கு கொரோனா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (35)

SATHIK BASHA - INDIA,இந்தியா
11 செப், 2020 - 12:02 Report Abuse
SATHIK BASHA வளர்ந்து வரும் நடிகராம் ....
Rate this:
09 செப், 2020 - 15:38 Report Abuse
Aditi Menon, Idukki nee vaangura anju pathuku edhu thevaiyaa, Saravanaa?
Rate this:
PANDA PANDI - Aththipatti,இந்தியா
09 செப், 2020 - 15:03 Report Abuse
PANDA PANDI தமிழ் தெரியும் வாடா. நல்ல உதாரணமா. தெரியாது என்பது சொல்ல நச் என்ற ஒலி வராதே.
Rate this:
Kumar - delhi,இந்தியா
09 செப், 2020 - 08:53 Report Abuse
Kumar கோடி கணக்கான தமிழர்கள், டெல்லி, mumbai, kolkata, அகமதாபாத் போன்ற இடத்தில் வாழுகிறார்கள். நன்றாக மதிக்க படுகிறார்கள். நானும் டெல்லியிலே 37 வருடங்களாக வாழ்கிறேன். தமிழர்களுக்கு தனி மதிப்பு உண்டு.
Rate this:
P.Narasimhan - Tirupattur, Tirupattur Dist,இந்தியா
08 செப், 2020 - 23:16 Report Abuse
P.Narasimhan சரவணா என்ன கொடும இது உங்க சிந்தனை இப்படி ? ஏடிஎம் எந்திரங்களில் மொழி தேர்வு செய்வதற்கு ட்ராப் டவுன் ஆப்ஷனை கொடுத்து மொழிகளை தேர்வு செய்யலாமே? அணைத்து மாநில மக்களும் எந்த மாநிலத்திலும் எளிமையாக பரிவர்த்தனை செய்யலாமே? மொழி தேர்வு மக்களுக்கானதே தவிர குறிப்பிட்ட மொழியை உயர்த்தி பிடிப்பதற்காக இல்லை.
Rate this:
மேலும் 30 கருத்துக்கள்...

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in