Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தயாரிப்பாளர்கள் குஸ்தி: போட்டி சங்கம் தொடக்கம்

04 ஆக, 2020 - 11:13 IST
எழுத்தின் அளவு:
New-Producer-council-starts

உண்மையில் படம் தயாரிக்கும் தயாரிப்பாளர்களுக்கும், படமே தயாரிக்காமல், தயாரிப்பாளர் சங்கத்தில் இருப்போருக்கும் இடையே ஏற்பட்ட, குஸ்தி காரணமாக, பாரதிராஜா தலைமையில், தமிழ் திரைப்பட நடப்பு தயாரிப்பாளர் சங்கம் என்ற பெயரில், போட்டி சங்கம் உருவாகியுள்ளது.

தமிழ் திரைப்படதயாரிப்பாளர் சங்கத்தில், 1,300 உறுப்பினர்கள் உள்ளனர். இவர்களில், 100க்கும் குறைவானவர்களே, படங்களை தயாரித்து வருகின்றனர்.

கட்டப்பஞ்சாயத்து
கடந்த நிர்வாகத்தில் தலைவராக, நடிகர் விஷால் இருந்தார். அவர் மீது பலர் அதிருப்தியில் உள்ளனர். புதிய நிர்வாகிகளுக்கான தேர்தல், கொரோனா ஊரடங்கால் தள்ளி போடப்பட்டுள்ளது. இந்நிலையில், முந்தைய நிர்வாகத்தின் குளறுபடி, இன்சூரன்ஸ் மற்றும் கட்டப்பஞ்சாயத்து என, பல பிரச்னைகள் சங்கத்தில் உள்ளன. தற்போது, ஆன்லைனில் படங்கள் வெளியாவது அதிகரித்துள்ளதால், தயாரிப்பாளர்கள் சிலர், தனி அணியாக பிரிந்து கிடக்கின்றனர்.

இந்நிலையில், நடப்பில் படங்களை தயாரிக்கும் தயாரிப்பாளர்களுக்காகவும், தேவையில்லாத சுமையை குறைக்கவும், புதிய தயாரிப்பாளர் சங்கத்தை உருவாக்க, பாரதிராஜா உள்ளிட்டோர் ரகசியமாக பேசி வந்தனர். இது குறித்து தகவல் வெளியானதும், முதலில் பாரதிராஜா மறுத்தார். தற்போது, புதிய சங்கம் குறித்த அறிவிப்பை, பாரதிராஜாவே நேற்று வெளியிட்டார்.

அவரது அறிக்கை: கொஞ்சம் வலியோடு தான் துவங்குகிறேன். பிறப்பு அவசியம் என்பதால், பிரசவ வலியை பொறுத்து தான் ஆக வேண்டும். அப்படித் தான் இந்த புதிய சங்கத்தின் பிறப்பும் அவசியமாகிறது. என் கடந்த அறிக்கையில், சக தயாரிப்பாளரிடம் பேசி தான், புதிய சங்கம் குறித்து முடிவு எடுக்க வேண்டும் எனக் கூறியிருந்தேன். ஆரம்ப கட்டத்திலேயே செய்திகள் காற்றில் கசிந்து, கருத்து வேறுபாடுகளை பரப்பி விட்டது.

கேள்விக்குறி

இப்போதைய சூழலில், இன்னொரு சங்கம் அவசியமாகிறது. பட வெளியீடுகள், பணம் போட்டவர்களின் அபாய நிலை, எதிர்காலக் கேள்விக்குறி எல்லாவற்றுக்கும் பதில் தேடுவது முக்கியம். தாய் சங்கத்தை உடைக்கவில்லை. அவள் அப்படியே மெருகுற இருப்பாள். திரை வீட்டின் ஆளுமை அவள் தான்; சங்கத்தை பிரிக்கவில்லை. கொரோனாவால் பாதித்த சினிமாவை, மருந்து கொடுத்து சரியாக்க வேண்டிய நேரமிது. சில முக்கிய முடிவுகளுக்காக உழைக்க உள்ளோம்.

அதனால், புதிதாக, தமிழ் திரைப்பட நடப்புத் தயாரிப்பாளர்கள் சங்கம் பதிவு செய்யப்பட்டுள்ளது. நிர்வாகிகள் இன்னும் முடிவு செய்யப்படவில்லை. என் தலைமையில் உறுப்பினர் சேர்க்கை தொடங்கி விட்டது.இவ்வாறு, அவர் கூறியுள்ளார்.

புதிய சங்கத்தின் அவசியம் குறித்து, திரையுலகினர் கூறியதாவது: ஆயிரத்திற்கும் மேற்பட்டோர் உள்ள தயாரிப்பாளர் சங்கத்தில், 100 பேர் கூட, தற்போது படத் தயாரிப்பில் ஈடுபடுவதில்லை. மேலும், உறுப்பினர்களுக்கான, இன்சூரன்ஸ் போன்ற பல விஷயங்கள், சங்கத்திற்கு கூடுதல் சுமையாகி விட்டன.

வெட்டி பேச்சு

பணத்தை போட்டு படம் எடுப்பவர்கள் தான், அதிக சிரமத்தை சந்திக்க வேண்டியுள்ளது. படமே தயாரிக்காமல், கட்டப்பஞ்சாயத்து செய்பவர்களும், வெட்டி பேச்சு பேசுபவர்களும் நிறைய பேர் உள்ளனர். படம் தயாரிப்பவர்களின் கஷ்டத்தை தீர்க்கவும், பட வெளியீட்டை கட்டுப்பாட்டோடு எளிமையாக்கவும், படம் தயாரிக்கும் தயாரிப்பாளர்களுக்கு உதவவுமே, இச்சங்கம் உருவாகியுள்ளது. இவ்வாறு, அவர்கள் கூறினர்.

Advertisement
கருத்துகள் (0) கருத்தைப் பதிவு செய்ய
'ஸ்டுப்பிட் கோவிட்' - மாளவிகா மோகனன் கோபம்'ஸ்டுப்பிட் கோவிட்' - மாளவிகா ... சினிமா படப்பிடிப்புக்கு அனுமதி வழங்காதது ஏன்? அமைச்சர் விளக்கம் சினிமா படப்பிடிப்புக்கு அனுமதி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Varisu
    • வாரிசு
    • நடிகர் : விஜய்
    • நடிகை : ராஷ்மிகா மந்தனா
    • இயக்குனர் :வம்சி பைடிபள்ளி
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in