Dinamalar

'பவர் ஸ்டார்' டிரைலரை இலவசமாக வெளியிட்ட ராம்கோபால் வர்மா

சர்ச்சை இயக்குனர் ராம்கோபால் வர்மா, தெலுங்குத் திரையுலகத்தின் முன்னணி நடிகரான பவன் கல்யாணைக் கிண்டலடிக்கும் விதத்தில் எடுத்துள்ள படம் 'பவர் ஸ்டார்'. இப்படத்தின் டிரைலரை இன்று(ஜூலை 22) அவருடைய சொந்த இணையதளத்தில் வெளியிடப் போவதாக அறிவித்திருந்தார். அந்த டிரைலரைப் பார்க்க 25 ரூபாய் கட்டணம் செலுத்த வேண்டும் என்ற புதிய திட்டத்தையும் அறிமுகப்படுத்தினார்.

ஆனால், டிரைலர் இணையதளங்களில் லீக் ஆனதால், சற்று முன் டிரைலரை யு-டியுபில் இலவசமாகவே வெளியிட்டுவிட்டார். “பவர்ஸ்டார்' டிரைலர் இன்று காலை 11 மணிக்கு வெளியாக வேண்டியது. ஆனால், லீக் ஆகிவிட்டது. எங்களது அலுவலகத்தில் இருக்கும் ஒருவர்தான் அதற்குக் காரணம் என நினைக்கிறேன். அதற்கான பொறுப்பை நாங்களே ஏற்றுக் கொள்கிறோம். டிரைலரைப் பார்க்க பணம் செலுத்திய அனைவருக்கும் அப்பணம் உடனடியாக திருப்பித் தரப்படும்,” என்றும் கூறியுள்ளார்.

ஜுலை 25ம் தேதி இப்படத்தை அவருடைய இணையதளத்தில் மட்டுமே வெளியிடப் போகிறாராம். அதற்கு முன்னதாக முன்பதிவு செய்தால் படத்தைப் பார்க்க 150 ரூபாய் கட்டணமாம். ஜுலை 25ம் தேதி காலை 11 மணிக்குப் பிறகு முன்பதிவு செய்தால் 250 ரூபாய் கட்டணமாம்.

'பவர் ஸ்டார்' டிரைலரைப் பார்க்க யாரும் எதிர்பார்த்த அளவில் 25 ரூபாய் பணம் கட்டி முன்பதிவு செய்யத் தயாராக இல்லை. எனவே, ராம்கோபால் வர்மாவே டிரைலரை யு டியுபில் லீக் செய்துவிட்டு, இப்படி நாடகமாடுகிறார் என்றும் டோலிவுட்டில் தெரிவிக்கிறார்கள்.

இன்று வெளியாகி உள்ள டிரைலர் 4 நிமிடங்கள் உள்ளது. பவன்கல்யாணின் அரசியல் வாழ்க்கை, அதன் தோல்வி ஆகியவைதான் படத்தில் முக்கியமாக இடம் பெறும் எனத் தெரிகிறது. டிரைலரில் அப்படியான காட்சிகள்தான் அதிகம் உள்ளன.

• 
  கணவரின் நடனத்தில் 36,000 குறைகளை கண்டுபிடிக்கும் கத்ரீனா கைப்
• 
  டிம்பிள் ஹயாதி மீதான வழக்கை ரத்து செய்ய கோர்ட் மறுப்பு
• 
  இளமைகால கவர்ச்சி படத்தை வெளியிட்ட ஜீனத் அமன்
• 
  கடினமான சோதனை : கஜோல் எடுத்த முடிவு
• 
  ஜூனியர் என்டிஆர் படத்தில் பிரியங்கா சோப்ரா?

• 
  மலையாளத்தை புரிந்து நடிப்பது கஷ்டமாக இருக்கிறது ; ஐஸ்வர்யா ராஜேஷ்
• 
  ராமன் அல்ல கர்ணன் ; ஆதிபுருஷ் பிரபாஸை விமர்சித்த கஸ்தூரி
• 
  லாந்தர்: விதார்த் நடிக்கும் சஸ்பென்ஸ் த்ரில்லர்
• 
  கமலுக்கு வில்லன் ஆனார் எஸ்.ஜே.சூர்யா: அதிகாரப்பூர்வ தகவல்
• 
  ஓடிடியில் வெளியாகும் ரகுல் பிரீத் சிங் படம்