Dinamalar

20 ஆண்டு பயணம்: விஜய் யேசுதாஸ் பெருமிதம்

காந்தக் குரலோன் கே.ஜே.யேசுதாசின் மகன் விஜய் யேசுதாஸ். முறைப்படி கர்நாட சங்கீதமும், மேற்கத்திய சங்கீதமும் படித்த இவர், 2000மாவது ஆண்டு மில்லினியம் ஸ்டார் என்ற மலையாளப் படத்தில் வித்யாசாகர் இசையில் பாடகராக அறிமுகம் ஆனார். தென்னிந்திய மொழிகளில் 300 பாடல்கள் வரை பாடியுள்ள விஜய் யேசுதாஸ் மாநில அரசு விருதுகள் உள்பட பல விருதுகளை பெற்றுள்ளார்.

நடிப்பில் ஆர்வமுடன் இருந்த விஜய் யேசுதாஸ், அவன் என்ற மலையாளப்படத்தில் நடிகராக அறிமுகமானார். அதன் பிறகு மாரி படத்தில் வில்லனாக தமிழில் அறிமுகமானார். படைவீரன் படத்தில் ஹீரோ ஆனார். தற்போது சாலமன் என்ற 3டி படத்தில் நடித்து வருகிறார். இது தமிழ், மலையாளம், தெலுங்கு, கன்னடம், இந்தி மொழிகளில் தயாராகிறது.

தனது 20 வருட பயணம் குறித்து விஜய் யேசுதாஸ் கூறியதாவது: நான் ஒரு பின்னணி பாடகராகி 20 ஆண்டுகள் ஆகின்றன. காலம் இவ்வளவு விரைவாக செல்லும் என்று நான் உணரவில்லை. பல ஆண்டுகளாக, அற்புதமான பாடல்களைப் பாட முடிந்தது என்பதில் மகிழ்ச்சியடைகிறேன். பார்வையாளர்களும் அந்த பாடல்களைக் கேட்டு நேசித்தார்கள். ஒருவர் எத்தனை பாடல்களை பாடுகிறார் என்பது முக்கியமல்ல, அது மக்களின் இதயங்களில் எதிரொலிக்கிறதா என்பதே முக்கியம். அந்த வகையில் நான் பாக்கியசாலி.

எனது வளர்ச்சி மெதுவானது. ஒரு ஹிட் பாடலைப் பெற பெரிய காத்திருப்பு இருந்தது. நான் ஒருபோதும் என் தந்தையை நம்பியிருக்கவில்லை. நான் என் சொந்த வழியில் சென்று ஒரு பாதையை உருவாக்கினேன் . அந்த பாதையில் 20 ஆண்டுகளாக பயணித்ததில் மகிழ்ச்சி. என்கிறார்.

• 
  பாலிவுட் நடிகைக்கு கொலை மிரட்டல்
• 
  இந்தியாவின் மிஸ்டர்.கிளீன் : சினிமா ஆகிறது வாஜ்பாய் வாழ்க்கை
• 
  பாலிவுட்டில் அறிமுகமாகும் மதுமிதா, அர்ஜூன்தாஸ்
• 
  ஜவான் படத்தில் ஷாருக்கானுக்கு ஜோடியாக நடிக்கும் தீபிகா படுகோனே - ...
• 
  ஷம்ஷேராவில் 1800ல் நடக்கும் கதை

• 
  அன்பானவரை இழந்து வாடுகிறேன் ; தவறான தகவலை பரப்பாதீங்க - மீனா
• 
  அவதார் 2 : கேட் வின்ஸ்லெட் லுக் அவுட்
• 
  வின்னர் 2 உருவாகிறது
• 
  20 ஆண்டுகள் ; மாறாத மாதவன் - சிம்ரன் நெகிழ்ச்சி
• 
  அதே படம்... அப்பா இசையமைத்த மற்றொரு ஹிட் பாடலை பயன்படுத்திய யுவன்