Dinamalar

நான் தற்கொலை செய்தால் அது ஒருநாள் செய்தியா..? இயக்குனர் மீது பூனம் கவுர் காட்டம்

எழுத்தின் அளவு:

கடந்த இரண்டு ஆண்டுகளுக்கு முன் பின்னணி பாடகி சின்மயி தொடங்கி வைத்த மீ டூ அந்த விவகாரம் பரபரப்பாக்க, அதன்பிறகு பல திரையுலக பிரபலங்கள் தங்களின் மீ டூ பாதிப்புகளை அடுத்தடுத்து வெளியிட ஆரம்பித்தனர். அதேப்போல தற்போது பாலிவுட் நடிகர் சுஷாந்த் சிங் ராஜ்புத்தின் தற்கொலை, சினிமாவில் ஆதிக்கம் செலுத்தி புதியவர்களை வளரவிடாமல் நசுக்கும் நபர்களை பற்றி அடுத்தடுத்து புகார்கள் வெளிவருவதற்கு வழி ஏற்படுத்தி கொடுத்துள்ளது.

சல்மான்கானை வைத்து தபாங் படத்தை இயக்கிய இயக்குனர் அபினவ் காஷ்யப், சல்மான்கான் மற்றும் அவரது குடும்பத்தினரால் தனது வளர்ச்சிக்கு கடந்த பத்து வருடங்களாக எப்படி முட்டுக்கட்டை போடப்பட்டது என கூறி அதிர்ச்சி ஏற்படுத்தினார். இந்தநிலையில் தற்போது நடிகை பூனம் கவுர், பிரபல இயக்குனர் ஒருவர், மன அழுத்தத்தில் இருந்த தன்னிடம் “நீ செத்துப்போனால் அது வெறும் ஒருநாள் செய்தி” என்று ஏளனம் செய்ததாக கூறி அதிர்ச்சியளித்துள்ளார். தெலுங்கு நடிகையான இவர் தமிழில் உன்னைப்போல் ஒருவன், ஆறு மெழுகுவர்த்திகள் உள்ளிட்ட பல படங்களில் நடித்துள்ளார்.

இதுபற்றி அவர் வெளியிட்டுள்ள டுவிட்டர் பதிவில், “நான் ஒரு கட்டத்தில் மிகவும் மன அழுத்தத்தில் இருந்தேன்.. தற்கொலை செய்துகொள்ளலாம் என்கிற எண்ணம் கூட தோன்றியது. அப்போது எனது நண்பர் ஒருவர் 'அந்த' இயக்குனரிடம் சென்று எனது நிலை பற்றி கூறி எனக்கு உதவுமாறு கேட்டுள்ளார். ஆனால அந்த இயக்குனர் கண்டுகொள்ளவில்லை. அதன்பிறகு நானே அவரை தொடர்புகொண்டு எனக்குள்ள மன அழுத்தம், தற்கொலை செய்துகொள்ளும் அளவுக்கு தோன்றும் எண்ணம் ஆகியவை குறித்து பேசி அவரது உதவியை நாடினேன்.. அதற்கு அவர், 'நீ தற்கொலை செய்துகொண்டு செத்துப்போனால் அது ஒருநாள் செய்தி.. அவ்வளவுதான்' என்று கூறியது எனக்கு மிகுந்த அதிர்ச்சியை அளித்தது.

அதன்பிறகு அவர் என்னை பற்றி நிறைய ஆன்லைன் கட்டுரைகள் மூலம் கூறிய வார்த்தைகள் என் மன அழுத்தத்தை அதிகமாக்கியது. மீடியா, திரையுலகம், விளம்பர உலகம் எல்லாம் அவர் கட்டுப்பாட்டில் இருந்தது. என்னுடைய பெயரை படத்தின் டைட்டில் கார்டில் இருந்து நீக்கினார். ஆடியோ வெளியீட்டு விழாவில் நான் பங்கேற்ற புகைப்படங்களை நீக்கினார்.. நடிகை சாவித்ரியின் வாழ்க்கை வரலாற்றை பற்றி மேடையில் பேசுவார்.. ஆனால் இங்கே கண் முன்னாள் தெரியும் திறமையை பாராட்ட மனம் வராது. மாறாக அந்த நபரின் திறமையை எப்படி மறைப்பது என்பதை மட்டும் நன்றாகவே செய்வார். இதில் இவருக்கு மந்திரி மகன்களின் நட்பு வேறு இருப்பதால் அந்த செல்வாக்கால், தனது சுயலாபத்திற்காக தனது நட்பு வட்டாரத்தையே தவறாக கையாண்டு வருகிறார். இறுதியாக சொன்னால் அவர் ஒரு மன நோயாளி” என்று குமுறி தீர்த்திருக்கிறார் பூனம் கவுர்.

அவர் குற்றம் சாட்டி இருப்பது பிரபல இயக்குனர் ராம்கோபால் வர்மாவைத்தான் என்றாலும், அந்த பிரபலமான 'அந்த' இயக்குனர் யார் என்பது பற்றி அவர் குறிப்பிடாமல் மறைமுகமாகவே குற்றம் சாட்டியுள்ளார் என்பது குறிப்பிடத்தக்கது.

• 
  பிகினிக்கு ஏது வயது, அசத்தும் மந்திரா பேடி
• 
  போதைப்பொருள் தகவல் வாட்ஸ்அப் குழு தலைவி தீபிகா படுகோனே ?
• 
  அதெப்படி என்னைப் பற்றி அப்படிப் பேசலாம்: சுனில் கவாஸ்கரைக் கண்டித்த ...
• 
  நான் தூக்கில் தொங்கினால் அது நிச்சயம் தற்கொலையல்ல: பாயல் கோஷ்
• 
  'விக்கி டோனார்' நடிகர் புபேஷ் புற்றுநோயால் மரணம்

• 
  எஸ்பிபி பெயரில் இசை பல்கலைக்கழகம் : சந்திரபாபு நாயுடு வேண்டுகோள்
• 
  எஸ்பிபி பற்றி புகழ்ந்த அமிதாப்பச்சன்
• 
  அஜித் வழியில் அறிக்கை விட்ட ஜாக்கி சான்
• 
  விளம்பரங்களிலும் கல்லா கட்டும் லாஸ்லியா
• 
  சிம்புவின் புதிய லுக் காண போஸ்டர் ஒட்டிய மதுரை ரசிகர்கள்