Dinamalar

வீர மரணம் அடைந்த ராணுவ வீரருக்கு 5 லட்சம் நிதி வழங்கும் தமிழ் தயாரிப்பாளர்

எல்லையில் நடந்த மோதலில் 3 இந்திய ராணுவத்தினர் சீன சிப்பாய்களால் கொல்லப்பட்டனர். இதில் ஒருவர் ராமநாதபுரம் மாவட்டத்தைச் சேர்ந்த பழனி. வீரமரணம் அடைந்த பழனிக்கு 10 வயது மகன் மற்றும் 2 வயது மகள் உள்ளனர். மனைவி மற்றும் குழந்தைகள் ராமநாதபுரத்தில் வசித்து வருகின்றனர்.

பழனி குடும்பத்துக்கு தமிழக அரசு 20 லட்சம் ரூபாய் நிதியும், அரசு வேலையும் அறிவித்துள்ளது. இந்த நிலையில் பிரபல தமிழ்பட தயாரிப்பாளர் கொட்டப்பாடி ராஜேஷ், பழனி குடும்பத்திற்கு 5 லட்சம் ரூபாய் நிதி அறிவித்துள்ளார். இவர் தனது கே.ஜே.ஆர் ஸ்டூடியோ சார்பில் நயன்தாரா நடித்த அறம், ஐரா, பிரபுதேவா நடித்த குலேபகாவலி, சிவகார்த்திகேயன் நடித்த ஹீரோ, படங்களை தயாரித்தார் விஸ்வாசம், தபாங் 3 படங்களை வாங்கி வெளியிட்டார். தற்போது விஜய் சேதுபதி நடிக்கும் க/பெ.ரணசிங்கம், சிவகார்த்திகேயன் நடிக்கும் டாக்டர், அயலான் படங்களை தயாரித்து வருகிறார்.

இது தொடர்பாக கே.ஜே.ஆர் ஸ்டூடியோ வெளியிட்டுள்ள செய்தி குறிப்பில் கூறப்பட்டிருப்பதாவது: பசியுடனும், தாகத்துடனும், குளிருடனும் நின்று, தங்கள் குடும்பத்துக்குக் கதைகள் சொல்ல திரும்பி வரமுடியாத மனிதர்களுக்கு... உங்கள் தியாகத்துக்கு தலை வணங்குகிறோம். உங்கள் ஆன்மாக்கள் அமைதி அடையட்டும். தமிழ் வீரன் பழனியில் குடும்பத்துக்கு எங்கள் ஆழ்ந்த அனுதாபங்கள்.

அவர் நம்மில் ஒருவர் போன்றவர். அவர் நம் ரணசிங்கம். ஒரு போர்வீரரின் மரணத்தை எந்த பணமும் ஈடு செய்ய முடியாது. ஆனால் இங்கே எங்களால் செய்ய முடிந்த சிறிய உதவி.. பழனியின் தியாகத்துக்காக அவரது குடும்பத்தினருக்கு 5 லட்ச ரூபாய் வழங்குகிறோம். அவரது ஆன்மா அமைதி அடையட்டும்.

இவ்வாறு அதில் கூறப்பட்டுள்ளது.

• 
  கங்குலியாக நடிக்கிறாரா ஆயுஷ்மான் குராணா?
• 
  சாவர்கராக நடிக்க 26 கிலோ எடை குறைத்த ரன்தீப் ஹூடா
• 
  இனி வருடத்திற்கு ஒரு படம் மட்டுமே : அனுஷ்கா ஷர்மா திடீர் முடிவு
• 
  காதலன் படத்தை இப்படியா வெளியிடுவது... மலைக்கா அரோராவை விளாசும் ரசிகர்கள்
• 
  பீகாரில் ஆதரவற்ற மாணவர்களுக்கு பள்ளி கட்டிடம் கட்டித்தரும் சோனு சூட்

• 
  இந்திய சினிமாவின் நாயகன் : மணிரத்னத்தை வாழ்த்திய கமல்
• 
  குடும்பத்துடன் கேக் வெட்டி பிறந்தநாள் கொண்டாடிய இளையராஜா
• 
  கீர்த்தி சுரேஷிற்கு அழகு, அறிவு இரண்டுமே இருக்கிறது : கமல்
• 
  சார்பட்டா பரம்பரை 2 எப்போது துவங்கும்?
• 
  கார்த்தி படத்தில் இணைந்த அரவிந்த்சாமி