Dinamalar

கடைசி குடும்பமும் சொந்த ஊர் சேரும் வரை பணி ஓயாது: சோனு சூட்

கொரோனா வைரஸ் அச்சுறுத்தல் காரணமாக வில்லன்கள் ஹீரோவாகும் காலம் இது. அந்த வரிசையில் தற்போது நிஜ ஹீரோவானவர் சோனுசூட். சந்திரமுகி, ஒஸ்தி, தேவி, அருந்ததி உள்ளிட்ட படங்களில் நடித்திருக்கும் சோனு சூட், அடிப்படையில் பாலிவுட் நடிகர்.

கொரோனா கால சேவையில் முழுமையாக ஈடுபட்டிருக்கிறார். மும்பையில் உள்ள தனது ஓட்டலை கொரோனா பணிசெய்யும் மருத்துவ பணியாளர்களுக்கு வழங்கி இருக்கிறார். இதுதவிர புலம்பெயர்ந்து மும்பையில் தங்கி இருக்கும் தினக்கூலி பணியாளர்களுக்கு உணவு பொருளை வழங்கி வருகிறார். .

தற்போது மும்பைக்கு பிழைப்புக்காக வந்த பிற மாநில தொழிலாளர்களை அவர்களின் சொந்த ஊருக்கு அனுப்பி வைத்து வருகிறார். ஏற்கெனவே மும்பையிலிருந்து கர்நாடகா செல்லும் புலம்பெயர் தொழிலாளர்களுக்காக பேருந்து ஏற்பாடு செய்து அவர்களை தானே முன்னின்று வழியனுப்பியும் வைத்தார்.

இந்நிலையில் தற்போது உத்தரபிரதேசத்தில் சிக்கியுள்ள புலம்பெயர் தொழிலாளர்களுக்காகவும் பேருந்து ஏற்பாடு செய்துள்ளார் சோனு சூட். இதற்காக உ.பி அரசிடம் அனுமதியும் பெற்றுள்ளார்.

இதுகுறித்து அவர் கூறியதாவது: என்னை பொறுத்தவரை இது ஒரு உணர்வுப்பூர்வமான பயணம். இந்த தொழிலாளர்கள் தங்கள் வீட்டை விட்டு இப்படி தெருக்களில் அலைந்து திரிவதை பார்க்கையில் மனம் வலிக்கிறது. கடைசி புலம்பெயர் தொழிலாளி தன் குடும்பத்தோடு சேரும்வரை அவர்களை நான் அவர்களின் சொந்த மாநிலங்களுக்கு தொடர்ந்து அனுப்பிக் கொண்டே இருப்பேன். இது என் இதயத்துக்கு நெருக்கமான விஷயமாக உள்ளது. இதற்காக என்னிடம் உள்ள அனைத்தையும் கொடுப்பேன்.

இவ்வாறு சோனு சூட் கூறியுள்ளார்.

• 
  83 டிரைலருக்கு வரவேற்பு
• 
  3 நாள் கொண்டாட்டமாக கத்ரினா கைப் - விக்கி கவுஷல் திருமணம்
• 
  மலையாள இயக்குனருக்கு ஜான்வி கபூர் நன்றி
• 
  நவ.,30ல் ‛83' பட டிரைலர் வெளியீடு
• 
  மேட்ரிக்ஸில் பிரியங்கா

• 
  எவ்வளவு நாள் தான் படுத்த படுக்கையாகவே இருப்பது - யாஷிகா
• 
  அஜித்தின் சண்டைக்காட்சியை வடிவமைத்து கொடுத்த சிவசங்கர்
• 
  மரைக்கார் படத்திற்காக ரவிவர்மன் ஓவியமாக மாறிய கீர்த்தி சுரேஷ்
• 
  காதல் இல்லாத வாழ்க்கையா
• 
  டைசனுக்கு பிரியாவிடை