Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தஞ்சை பெரிய கோவில் கருத்து - ஜோதிகாவுக்கு குவியும் கண்டனம்

22 ஏப், 2020 - 16:53 IST
எழுத்தின் அளவு:
Oppose-for-Jyothikas-speech-about-Tanjore-Temple

தஞ்சை பெரிய கோவிலைப் பற்றி நடிகை ஜோதிகா பேசிய பேச்சுக்கு கடும் கண்டனங்கள் எழுந்துள்ளன.

நடிகர் சூர்யாவை காதலித்து திருமணம் செய்தவர் நடிகை ஜோதிகா. திருமணத்திற்கு பின் சில ஆண்டுகள் நடிக்காமல் இருந்த இவர், 36வயதினிலே படம் மூலம் மீண்டும் நடிக்க வந்தார். சமீபத்தில் ராட்சசி படத்திற்காக தனியார் நடத்திய விழாவில் சிறந்த நடிகைக்கான விருதை பெற்றார். இந்நிகழ்ச்சி கடந்த மாதம் நடந்தது. இதன் ஒளிபரப்பு சமீபத்தில் தனியார் டிவியில் ஒளிபரப்பானது. அதில் ஜோதிகா பேசிய பேச்சு தற்போது பலரது கண்டனங்களை பெற்றுத் தந்துள்ளது.

ஜோதிகா பேசியதாவது: தஞ்சை பிரகதீஸ்வரர் கோவில் மிகவும் அழகானது. உதய்பூர் அரண்மனை போல் அழகாக இருக்கும். இதற்கு முன் நான் பார்த்துள்ளேன். அங்கு போகாமல் இருக்காதீர்கள் என சிலர் கூறினர். ஆனால், கோவிலை பராமரிப்பதை போல், மருத்துவமனைகள் சரியாக பராமரிக்கப்படவில்லை. இங்குள்ள ஒரு மருத்துவமனையை பார்த்த போது அதிர்ச்சியாக இருந்தது. நான் பார்த்ததை வாயால் சொல்ல முடியாது. கோவிலுக்கு அவ்வளவு செலவு செய்கிறார்கள், பராமரிக்கிறார்கள். அதற்கு தரும் கவனம், உண்டியலில் போடும் பணத்தை போல் பள்ளி மற்றும் மருத்துவமனை கட்டடத்திற்கும் கொடுங்கள். அந்த மருத்துவமனையை பார்த்து விட்டு என்னால் கோவிலுக்கு செல்ல முடியவில்லை என பேசி உள்ளார்.

ஜோதிகாவின் இந்த கருத்துக்கு ஹிந்து மதத்தலைவர்கள் பலரும் கண்டனம் தெரிவித்துள்ளனர். ‛மேற்கோள்காட்ட கோவில் தான் கிடைத்ததா? சர்ச், மசூதி போன்றவை கண்ணுக்கு தெரியவில்லையா? என கேள்வி எழுப்பி வருகின்றனர்.

இதுகுறித்து ஹிந்து மத அமைப்பை சார்ந்தவர்கள் கூறியதாவது: ஹிந்து கலாச்சாரத்தின் அடையாளமான தஞ்சை பெரிய கோவிலை இழிவுப்படுத்தும் வகையில் பேசியது தவறு. மருத்துவமனை கட்டுவது என்ற கோரிக்கை நியாயமானது. ஆனால் அதற்கு நடிகை ஜோதிகா சொன்ன உதாரணம் தவறு. கட்டாயம் அவர் இதற்கு வருத்தம் தெரிவிக்க வேண்டும்.

திரைத்துறையில் பிரபலமாகி விட்டால் எதையாவது பேச வேண்டும்; என்பதற்காக தேவையற்ற சர்ச்சை கருத்துக்களை பேசி வருவது என்பது சமீபத்திய நிகழ்வாக இருக்கிறது. ஹிந்துகளின் நம்பிக்கை அடையாளத்தை கொச்சைப்படுத்தும் விதத்தில் ஹிந்து கோவில்களை மட்டும் உதாரணப் படுத்தக்கூடிய நடிகை ஜோதிகா இஸ்லாமிய, கிறிஸ்துவ மதத்தவர்களின் வழிபாட்டுத் தலங்களை பற்றி பேசாமல், தஞ்சை கோவிலை மட்டும் சொன்னது ஹிந்து மத அவமதிப்பு. தேவையற்ற மத ஒப்பீட்டு வாதத்தை உருவாக்கியிருக்கிறது.

மக்கள் மீதும் மாணவர்கள் மீது இவ்வளவு அக்கறை இருக்குமேயானால் தனது கணவர் சூர்யா நடிக்கும் சினிமாவை இவ்வளவு பணம் கொடுத்து யாரும் பார்க்க வேண்டாம் என்று சொல்ல தைரியம் உண்டா? தமிழர் கலைப் பண்பாடு, தமிழர் கட்டிடகலை அடையாளத்தை கொச்சைப்படுத்தி பேசியதற்கு தமிழ் சமூகத்திடம் ஜோதிகா மன்னிப்பு கேட்க வேண்டும்

இவ்வாறு அவர்கள் கூறினர்.

எஸ்.வி.சேகர் கண்டனம்

ஜோதிகாவின் பேச்சு 100 சதவீதம் முதிர்ச்சியற்றது. கோயில் இல்லா ஊரில் குடியிருக்க வேண்டா. ஆலயம் தொழுவது (உங்களுக்கு பிடிக்குமே) சாலவும் நன்று. இதெல்லாம் கேள்விப்பட்டிருக்க மாட்டீங்க. சுத்தமான ஹாஸ்பிடல், நல்ல பள்ளிகள் அவசியம். கோயிலுக்கு பதில் இதச்செய்யுனு சொல்லுவது அயோக்கியத்தனம். Ask Ur FATHER IN LAW என டுவிட்டரில் கண்டனம் தெரிவித்துள்ளார் நடிகர் எஸ்.வி.சேகர்.

Advertisement
கருத்துகள் (243) கருத்தைப் பதிவு செய்ய
நடிகை ஷோபனாவின் பேஸ்புக் கணக்கு ஹேக் செய்யப்பட்டது.நடிகை ஷோபனாவின் பேஸ்புக் கணக்கு ... அண்ணாத்தவில் நான் ரஜினிக்கு ஜோடியா... ஷாக் தந்த மீனா அண்ணாத்தவில் நான் ரஜினிக்கு ஜோடியா... ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (243)

Thirumurugan - Kuala Lumpur,மலேஷியா
28 ஏப், 2020 - 04:43 Report Abuse
Thirumurugan ...கோயிலை சுத்தமாக வைத்திருப்பது போல மருத்துவமனையையும் பள்ளிக்கூடத்தையும் சுத்தமாக வைத்திருக்கணும் என்று சொன்னதில் என்ன தப்பு இருக்கிறது?
Rate this:
Minku Pinku - coimbatore,இந்தியா
29 ஏப், 2020 - 15:36Report Abuse
Minku Pinkuஅவள் சுத்தம் பற்றி பேசவில்லை, கொல்வி பராமரிப்பு காசு முழுவதும் ஹாஸ்பிடல் கொடுக்க சொல்கிறாள்..... ஒரு வாதத்திற்கு எது சரி என்று வைத்துக்கொண்டால் கூட , தாஜ்மஹால் பராமரிப்பு தஞ்சை கோவிலைவிட பல கோடிகள் / பல மடங்கு வரும் .... என் தாஜ்மஹால் பராமரிப்பு காசை ஹாஸ்பிடல் கொடுக்க சொல்லவில்லை ? இவர்கள் மனதில் ஹிந்துக்கள் கோவில் , ஒரு சமாதியை விட கேவலம் என்ற நினைப்பு ஹிந்துக்கள் ஒன்றுபட வேண்டிய நேரம்...
Rate this:
Seitheee - San Jose,யூ.எஸ்.ஏ
27 ஏப், 2020 - 22:58 Report Abuse
Seitheee The Actress with all enthusiasm has commented. But she should understand that if she will be talking about Churches and Masks. Whether she will talk about people wasting money in Cinima theaters, Cinema sets, Costumes which are any way goes as wastages. Can she talk about her Husband getting of Crores of Rupees for acting only from Common man who are earning 100 or 200 Rs per day. Can she say that these people instead of wasting money for seeing Suray's movie they can டோனட் டு ஹோச்பிடல்ஸ்?
Rate this:
Kolanjiappan - Virudhachalam,இந்தியா
27 ஏப், 2020 - 19:36 Report Abuse
Kolanjiappan ஜோதிகா சொன்னது கோவிலுக்கு செலவு பன்றதுக்கு, கோவில் உண்டியல் காசு போடுறதுக்கு பதிலா மருத்துவ மனைக்கு பள்ளிக்கூடத்துக்கு செலவு பண்ணலாம்னு சொன்னாங்க. அப்படி பீல் பன்றவங்க ஏன் இந்தமாதிரி எல்லாம் யோசிக்கல. பல கோடி செலவு பண்ணி படம் எடுக்கும்போது அதுல கொஞ்சம் மருத்துவ மனைக்கு பள்ளிக்கூடத்துக்கு செலவு பண்ணலாம்னு சொன்னா நல்லா இருக்கும். பல கோடி சம்பளம் வாங்குற நடிகர், நடிகை எல்லாம் அவுங்க சம்பளத்துல கொஞ்சம் மருத்துவ மனைக்கு பள்ளிக்கூடத்துக்கு செலவு பண்ணலாம்னு சொன்னா நல்லா இருக்கும். சாதாரண துணி கடை நகை கடை திறப்பு விழாவில் எத்தனை லட்சங்கள் ஏன் கோடி கணக்கில் கூட செலவு செய்து நடிகர் நடிகைகள் வைத்து திறப்பு விழா நடத்துகிறார்கள் அப்போது ஜோதிகா உணரவில்லையா ஒரு அரசியல் தலைவர் வருகைக்கு எத்தனை கோடிகள் செலவு செய்கிறார்கள், அவ்வளவு ஏன் ஒரு பொழுது போக்கு சினிமாவின் பாடல் வெளியீட்டு விழா, இதர கொண்டாட்டங்களுக்கு எவ்வளவு செலவு செய்கிறார்கள் அப்போதெல்லாம் இந்த ஜோதிகா அம்மையாருக்கு தோன்றவில்லையா. அப்போ அதெல்லாம் தெரியாதா இல்ல கோவிலை பாக்கும் போதுதான் தெரிஞ்சிதா. ஒரு கிறிஸ்தவ மிஷினெரி நடத்தும் டிவி அவார்ட் வாங்கும் போது இஸ்லாமிய மதம் சார்ந்த ஜோதிகா கோவிலுக்கு பதிலா இப்படி சொல்லி இருக்கலாம். தேவாலயங்கள் மசூதிகள், கோவில்கள் எல்லாத்துக்கும் செலவு பன்ற காச கொஞ்சம் மருத்துவ மனைக்கு பள்ளிக்கூடத்துக்கு செலவு பண்ணலாம்னு சொன்னா நல்லா இருக்கும். இன்னும் சொல்ல போன கோவில் வருமானங்கள் எல்லாம் அரசுக்கு தான போகுது. எந்த மசூதி வருமானமோ தேவாலய வருமானமோ அரசுக்கு போகலியே. அதுவும் நமது கோவில்கள் நம் தமிழினம் உலகுக்கே சோறு போட்டு செல்வ செழிப்பாக இருந்த காலகட்டங்களில் பல நூறு ஆண்டுகளுக்கு முன்பு கட்டப்பட்டு அதற்க்கு பல கோடி சொத்துக்கள் இருந்தன. அதை வைத்துதான் கோவிலுக்கு செலவு செய்கிறார்கள் அதிலும் ஊழல். கள்ள காதலுக்கு கட்டிய தாஜ் மஹால் அரசு செலவில் பராமரிக்கலாம் எண்ணற்ற அந்நிய மத ஹட்ச் ஜெருசுலம் பயணங்களுக்கு எங்கள் வரி பணம் செலவு செய்யலாம். ஒரு வேளை கிறிஸ்துவ தேவாலயத்தை இஸ்லாமிய மசூதியை பற்றி ஜோதிகா சொல்லி இருந்தால் இந்நேரம் எத்தனை கலவரங்கள் வெடித்திறுக்கும். இந்துக்களின் கலாச்சாரம் அவர்கள் வழிபடும் கோவில் இதை வைத்து அரசியல் செய்வதையும் விமர்சனம் செய்வதையும் எப்படி ஏற்க்க முடியும். எங்கள் கேள்வியும் விளக்கமும் புரிஞ்சிதா?
Rate this:
Thalaivar Rasigan - CHENNAI,இந்தியா
27 ஏப், 2020 - 12:47 Report Abuse
Thalaivar Rasigan இவர் நக்மாவின் தங்கை - முஸ்லீம் மதத்தில் இருந்து கொண்டு இந்து மதத்தை தாக்கி பேசுவது எப்படிப்பட்ட விளைவுகளை உருவாக்கும் என உணர்ந்துதான் பேசுகிறாரா என்ற சந்தேகம் வருகிறது தப்பித்தவறி கூட ஹிந்து கோவில், கிறிஸ்தவ ஆலயங்கள் மற்றும் மசூதிகள் என்று பொதுவாக சொல்ல மாட்டார்கள் இங்கே திராவிடம் என்ற பெயரில் ஒரு கூட்டம் கால் பிடித்து கொண்டு நிற்கிறதே?
Rate this:
sankar - Nellai,இந்தியா
27 ஏப், 2020 - 10:36 Report Abuse
sankar சரியோ தவறோ - வருத்தம் தெரிவிப்பது முறை - இல்லையேல் இனி இவரது திரைப்படங்களை புறக்கணிப்போம் - அவ்ளோதான்
Rate this:
மேலும் 237 கருத்துக்கள்...

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in