Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தாமதம் என்னை துரத்துகிறது: வசந்தபாலனின் அங்காடி தெரு நினைவுகள்

27 மார், 2020 - 12:21 IST
எழுத்தின் அளவு:
Vasanthabalan-memories-about-10-years-of-Angaditheru

வசந்தபாலன் இயக்கிய அங்காடி தெரு படம் வெளியாகி நேற்றுடன் 10 ஆண்டுகள் ஆகிறது. இதை முன்னிட்டு அதன் இயக்குனர் வசந்தபாலன் உருக்கமான பதிவொன்றை வெளியிட்டுள்ளார். அதில் அவர் கூறியிருப்பதாவது:

கொரோனோ ஏற்படுத்திய மாபெரும் இருளில் சிறிய வெளிச்சமாக இந்த நாள் எனக்கு இருக்கிறது. அன்றைக்கும் இன்றைக்கும் அங்காடித்தெரு என் வாழ்வின் பெரிய வெளிச்சம்."யானை வாழுற காட்டுல தான் எறும்பும் வாழுது"ங்கிற வசனம் இன்றும் என் காதுகளில் கேட்டுக்கொண்டேயிருக்கிறது.எத்தனை கஷ்டங்கள் வந்தாலும் வாழ்ந்திடமுடியும் என்கிற தேவ ஒளியைத் தருகிற வசனம்.இன்றைய நாளுக்கும் அத்தனை அழகாய் பொருந்தும்.

டிஜிட்டல் காமெரா முறையாகப் புழக்கத்தில் வராத அந்த காலகட்டத்தில் ரங்கநாதன் தெருவில் மறைவாக காட்சியை எடுக்க எத்தனை சிரமங்களை சந்தித்தோம்.இந்த திரைப்படத்தின் கதை எழுதுவதில் துவங்கி தயாரிப்பாளர்கள் தேடுதல்,கதாநாயகன் தேடுதல்,ரங்கநாதன் தெருவில் படப்பிடிப்பு நடத்துவது என்று பெரும் உடல் உழைப்பைக் கோரிய திரைப்படம்.

அங்காடித்தெரு கதையைக் குறைந்தது 10 தயாரிப்பாளர்களிடம் கூறினேன்.ஆனால் வாய்ப்பு கை நழுவியது.இறுதியாக ஒரு ஒளியைப்போல எனக்கு கிடைத்தார்கள் தயாரிப்பாளர்களான கருணாமூர்த்தியும், அருண்பாண்டியனும். சில நெருக்கடிகளால் அங்காடித்தெரு முழுவடிவம் எடுக்க தாமதமானது. கடைசியில் அங்காடித்தெருயை வெள்ளித்திரையில் வெளியிட முடியாத நெருக்கடி மற்றும் தாமதம். இன்று போல.தாமதம் என்னை இடையறாது துரத்துகிறது.நான் எத்தனை வேகமாக ஓடினாலும் தாமதம் என்னை விட வேகமாக ஓடுகிறது.

படத்தைத் திரையுலகின் முக்கிய தயாரிப்பாளர்கள் பார்த்தார்கள்.பல காட்சிகள் ஓடின. ஆனால் எங்கிருந்தும் நம்பிக்கை கீற்று கிடைக்கவில்லை.கடைசியில் படத்தை நேரடியாக நாமே வெளியிட்டு விடலாம் என்று தயாரிப்பாளர்கள் முடிவெடுத்தார்கள். ஆனால் படத்தை வெளியிட நல்ல தேதி கிடைக்கவில்லை.

ஏப்ரல் மாதம் பள்ளிகளுக்கு விடுமுறை அப்போது வெளியிடலாம் என்று எண்ணினோம்.ஆனால் அப்போது பெரிய நட்சத்திரங்கள் நடித்த திரைப்படங்கள் வருவதால் மார்ச் 26 தேதி தான் இருக்கிறது.இல்லையெனில் ஜீன் மாதம் மட்டுமே தேதி இருக்கிறது இடைப்பட்ட காலத்தில் நல்ல தேதி இல்லை என்றனர்.என்ன செய்வது என்ற தெரியாமல் தயாரிப்பாளர்கள் தவித்தார்கள்.

4 வருடங்கள் கழித்து இந்த திரைப்படம் வெளியாகிறது தவறான தேதியில் வெளியாகி வெற்றி பாதிக்கப்படுமாயின் எனக்கு அது எதிர்மறைவான விளைவுகளை ஏற்படுத்தும். இப்படிப் பல நெருக்கடிகள்.வேறு வழியில்லை. ஆனாலும் தயாரிப்பாளர்கள் என் படத்தின் மீது வைத்த நம்பிக்கை காரணமாகத் துணிந்து தேர்வுகள் நடக்கும் மார்ச் 26ம் தேதி அங்காடித்தெரு திரைப்படம் வெளியாகும் என்று முடிவெடுத்து வெளியிட்டார்கள்.

பத்திரிகைகளின் பெரும் ஆதரவாலும்,தன்னெழுச்சியான மக்களின் ஆதரவாலும் படம் வெளியாகி வெற்றிகரமாக 100 நாட்கள் ஓடி தயாரிப்பாளர்களுக்கு வெற்றியையும் எனக்கு மரியாதையையும் பெற்றுத் தந்தது. தெலுங்கில் ஷாப்பிங் மால் என்ற பெயரில் வெளியாகி வெற்றி பெற்றது.அஞ்சலிக்குத் தெலுங்கில் ஒரு பெரிய மார்க்கெட் உருவானது.

விருதுகள் மகிழ்ச்சியைத் தந்தன.ஆனால் நானே தாண்டமுடியாத உயரமான சுவராக ஆகிவிட்டது.அதைத்தாண்டும் நாள் வெகுதூரத்தில் இல்லை.என் அடுத்த திரைப்படம் ஜெயில் அங்காடித்தெருக்கு இணையாக இருக்கும் என்று நம்புகிறேன்.

இவ்வாறு வசந்தபாலன் எழுதியுள்ளார்.

Advertisement
கருத்துகள் (2) கருத்தைப் பதிவு செய்ய
நோ ஸ்வீட்ஸ் -  ஒன்லி இளையராஜா: மரகதமணிநோ ஸ்வீட்ஸ் - ஒன்லி இளையராஜா: மரகதமணி திரௌபதியால் எனக்கு லாபம் இல்லை: மோகன்.ஜி திரௌபதியால் எனக்கு லாபம் இல்லை: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (2)

30 மார், 2020 - 12:31 Report Abuse
ஜப்பான்நாட்டு துணைமுதல்வர்   சொடலை நீ தான் தகிரியமான ஆளாச்சே , சொல்லுப்பா அந்த காலகட்டத்திலே ஒரு குடும்பம் நெனச்சா தான் படம் ரிலீஸ் பண்ண முடியும், தியேட்டர் கிடைக்கும் என்று.. அடிமாட்டு விலைக்கி சாட்டிலைட்டு ரைட்ஸ் வாங்கினது எல்லாம் மக்களுக்கு மறந்து போயிருக்கும்ல..
Rate this:
meenakshisundaram - bangalore,இந்தியா
30 மார், 2020 - 05:05 Report Abuse
meenakshisundaram 'அங்காடி தெரு ' - அழகிய நடிகை அஞ்சலியை திரைக்கு வழங்கியது.
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar advertisement tariff

    Tweets @dinamalarcinema

    Advertisement
    Copyright © 2023 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in