சென்சாரில் நீக்கிய காட்சியை ஸ்னீக் பீக்காக வெளியிட்ட ஜிப்ஸி படக்குழு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

03 மார், 2020 - 16:07 IST

எழுத்தின் அளவு:

ராஜூ முருகன் இயக்கத்தில் ஜீவா நடித்துள்ள படம் 'ஜிப்ஸி'. இந்த படத்தில் ஜீவாவுக்கு ஜோடியாக நடாஷா சிங் நடித்துள்ளார். பல்வேறு பிரச்சினைகளுக்கு பிறகு வரும் 6ம் தேதி படம் ரிலீசாகிறது.

இந்நிலையில் இப்படத்தின் ஸ்னீக்பீக் காட்சியை படக்குழு வெளியிட்டுள்ளது. சென்சார் அதிகாரிகளால் அனுமதி மறுக்கப்பட்ட காட்சியை அவர்கள் வெளியிட்டுள்ளனர். அந்த காட்சியில் அரசாங்கம், காவல்துறை, நீதித்துறை என அனைத்தையும் விமர்சித்துள்ளனர்.

மேலும் அதில், துணை முதலமைச்சர் வருகையை முன்னிட்டு நடைபாதையில் படுத்திருக்கும் மக்களை போலீசார் காவல் நிலையம் அழைத்து வந்து விசாரிக்கின்றனர். அதில் ஜீவாவும் இருக்கிறார். அவரை மாவோயிஸ்ட் என போலீசார் சந்தேகிக்கின்றனர். அப்போது பேசப்படும் பல வசனங்கள் சர்ச்சைக்குரிய வகையில் அமைந்துள்ளன. உதாரணமாக "நீதித்துறை சொல்வதை காவல்துறை கேட்பதில்லை, காவல்துறை சொல்வதை நீதித்துறை கேட்பதில்லை, மக்கள் சொல்வதை எந்த துறையும் கேட்பதில்லை" எனும் வசனம் உள்ளது.

நிச்சயம் இக்காட்சிகள் படத்தில் இடம் பெற்றால் படக்குழு பல வழக்குகளை சந்திக்க நேரிடும். இதனாலேயே படத்தில் இடம்பெறாத இந்த காட்சியை ஸ்னீக்பீக்காக யூடியூபில் வெளியிட்டுள்ளனர். இந்த காட்சிக்கு பெரிய வரவேற்பு கிடைத்துள்ளது. படம் மீதான எதிர்பார்ப்பும் அதிகரித்துள்ளது.

Gypsy

actorjiiva

கருத்துகள் (0) கருத்தைப் பதிவு செய்ய

ஆக்ஷனில் அதிரடி கிளப்பும் வரலட்சுமி ...

விஜய், அஜித்துடன் மோதும் சூர்யா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய