Dinamalar

நாயை மையமாக வைத்து அன்புள்ள கில்லி

நடிகை சிவரஞ்சனியின் மகன் மைத்ரேயா நடிக்கும் படம் அன்புள்ள கில்லி. பாலசுப்பிரமணியம், ஒளிப்பதிவு செய்ய, அரோல் குரோலி இசை அமைக்கிறார். இந்தப் படம் நாய்க்கும், மனிதனுக்குமான உறவை சொல்லும் படம். இதில் லாபர்டா வகை நாய் முக்கிய கேரக்டரில் நடிக்கிறது. அந்த நாயின் பெயர்தான் கில்லி.

படத்தின் ஹீரோ மைத்ரேயா விஜய் ரசிகராக நடிதுள்ளார். அத்துடன் சினிமாவில் நடித்து புகழ்பெற்ற நாய்கள் இந்த படத்தில் இணைந்து நடித்துள்ளன. நாயின் பார்வையில் கதை நகரும், நாயே கதையை சொல்லும், தற்போது இதன் படப்பிடிப்புகள் முடிந்திருக்கிறது.

படம் பற்றி இயக்குனர் ராமலிங்கம் ஸ்ரீநாத் கூறியதாவது: அன்புள்ள கில்லி படத்தில் பணிபுரிந்திருக்கும் அனைவரின் சுய வாழ்வும் ஒரு வகையில் இப்படத்தில் பிரதிபலித்திருக்கிறது. ஏனெனில் அனைவருமே செல்லப்பிராணி வளர்ப்பவர்கள். ஒரு வகையில் அவர்களின் வாழ்வுதான் இந்தக்கதை. நீண்ட இடைவேளைக்கு பிறகு குடும்பங்கள் கொண்டாடும் கமர்சியல் படமாக இருக்கும். முக்கியமாக அனைவரும் குடும்பத்துடன் தியேட்டரில் ரசித்து பார்க்கும் படமாக இருக்கும். குறிப்பாக குழந்தைகள் இப்படத்தை கொண்டாடுவார்கள்.

இதுவரை உருவாகியிருக்கும் மனிதன், நாய் உறவு சம்பந்தமான கதைகளிலிருந்து மாறுபட்டு தனிச்சிறப்பான அம்சத்தை கொண்டிருக்கும். மேலும் நாயின் மனகுரலில் கதை நகருவதாய் வெளிவரும் முதல் திரைப்படமாக இப்படம் உருவாகியுள்ளது. கோடை விடுமுறையில் வெளியிட திட்டமிட்டுள்ளோம் என்றார்.

• 
  ஒரு காட்சிக்காக 48 ரீடேக் வாங்கிய தீபிகா படுகோனே
• 
  அமீர்கானின் லால் சிங் சட்டா ஏப்ரல் 14ம் தேதி ரிலீஸ்
• 
  'ரெட் ஹாட்' புகைப்படங்களை வெளியிட்ட தீபிகா படுகோனே
• 
  பண்ணை வீட்டில் உடல்கள்? சல்மான் மீது பரபரப்பு புகார்
• 
  குழந்தை பற்றிய அறிவிப்பை வெளியிட்ட பிரியங்கா சோப்ரா

• 
  கே.டி.குஞ்சுமோன் தயாரிக்கும் ‛ஜென்டில்மேன்-2' படத்திற்கு ஆர்ஆர்ஆர் ...
• 
  சி.எஸ்.அமுதன் - விஜய் ஆண்டனி கூட்டணியின் ‛ரத்தம்'
• 
  விடுதலையை முடித்ததும் வெப் தொடரை இயக்கும் வெற்றிமாறன்
• 
  புஷ்பா- 2 படத்திற்காக ஊக்கத் தொகை பெறும் ராஷ்மிகா
• 
  எட்டு விதமாக மாறுபட்ட கதைகளில் நடிக்கும் பிரபாஸ்