Dinamalar

நீதிமன்றத்தில் மஞ்சு வாரியர் வாக்குமூலம்

எழுத்தின் அளவு:

கடந்த மூன்று வருடங்களுக்கு முன்பு மலையாள திரையுலகை சேர்ந்த நடிகை ஒருவர் காரில் கடத்தப்பட்டு பாலியல் சித்ரவதைக்கு ஆளான சம்பவம் மிகப்பெரிய பரபரப்பை ஏற்படுத்தியது. இதைத்தொடர்ந்து அந்த வழக்கு குறித்த விசாரணை நடைபெற்று வருகிறது. இந்த வழக்கில் ஏற்கனவே நடிகர் திலீப் கைது செய்யப்பட்டு சிறை சென்று தற்போது ஜாமீனில் வெளிவந்து படங்களில் நடித்துக் கொண்டிருக்கிறார்.

இந்தநிலையில் அவரது முன்னாள் மனைவியும் நடிகையுமான மஞ்சு வாரியர், இந்த வழக்கில் தனது தரப்பு வாக்குமூலத்தை பதிவு செய்வதற்காக கொச்சி கலூரில் உள்ள நீதிமன்றத்திற்கு வந்தார். இந்த வழக்கில் முக்கியமான சாட்சியாக மஞ்சு வாரியர் சேர்க்கப்பட்டுள்ளார் என்பது குறிப்பிடத்தக்கது. இன்று காலை 11 மணிக்கு மேல் தொடங்கிய விசாரணையில் மஞ்சுவாரியர் மட்டுமல்லாது நடிகர் சித்திக், நடிகை பிந்து பணிக்கர் ஆகியோரும் தங்களது வாக்குமூலங்களை பதிவு செய்துள்ளார்கள்.

வரும் நாட்களில் நடிகைகள் கீது மோகன்தாஸ், சம்யுக்த வர்மா மற்றும் இயக்குனர் ஸ்ரீகுமார் மேனன் ஆகியோர் தங்களது விளக்கத்தை பதிவு செய்ய உள்ளார்கள்.. கிட்டத்தட்ட 650 பக்கங்கள் சார்ஜ் ஷீட் அடங்கிய இந்த வழக்கில் 14 பேர் குற்றம் சாட்டப்பட்டுள்ளனர். 385 பேர் சாட்சிகளாக சேர்க்கப்பட்டுள்ளனர். இதில் 50 பேர் திரையுலகைச் சேர்ந்தவர்கள் என்பது குறிப்பிடத்தக்கது.

• 
  பலாத்கார புகார் - இயக்குனர் அனுராக்கிற்கு மும்பை போலீஸ் சம்மன்
• 
  கவர்னரை சந்தித்தார் பாயல் கோஷ்: அனுராக் காஷ்யபை கைது செய்ய கோரிக்கை
• 
  ரியாவுக்கு எதிராக பலத்த ஆதாராம்
• 
  ரியாவுக்கு ஜாமீன் தரக்கூடாது ; போதைப்பொருள் கட்டுப்பாட்டு துறை தீவிரம்
• 
  மீண்டும் கணவருடன் சமரசம் ஆன பூனம் பாண்டே

• 
  நடிகை, சமூக செயல்பாட்டாளர்: ஹிமான்சி குரானாவுக்கு கொரோனா
• 
  பாக்கியலட்சுமிக்கு ஆதரவு குரல் கொடுத்த லிசி
• 
  'ஒரு அடார்' நடிகைக்கு கல்யாணம்
• 
  போதை பொருள் வழக்கில் சிக்கிய தொகுப்பாளினி
• 
  சாச்சியின் கதைக்கு உயிர் கொடுக்கும் பிரித்விராஜ்