Dinamalar

‛பிகில்-க்காக ‛ஜெயில்: கண்ணீரும், கம்பலையுமாக பெற்றோர்

பிகில் படத்திற்காக பொது சொத்துக்களை சேதப்படுத்தி, இப்போது கம்பி எண்ணி வருகின்றனர் விஜய்யின் ரசிகர்கள். தங்கள் பிள்ளைகள் சிறை செல்வதை கண்ட பெற்றோர்கள் கண்ணீரும், கம்பலையுமாக இருக்கின்றனர்.

அட்லி இயக்கத்தில் விஜய் நடித்து தீபாவளி கொண்டாட்டமாக கடந்த அக்.,25ம் தேதி வெளியான படம் ‛பிகில். இப்படத்தின் சிறப்பு காட்சிக்காக ஒரு போராட்டம் நடந்து, இறுதியில் அரசு அனுமதித்தது. கிருஷ்ணகிரியில் இப்படத்தின் சிறப்பு காட்சி திரையிட தாமதமாவதாக கூறி விஜய் ரசிகர்கள் ஏராளமான பேர் அந்த பகுதியில் இருந்த பொது சொத்துக்களை சேதப்படுத்தி ரகளையில் ஈடுபட்டனர். இதுதொடர்பாக போலீசார் ஏற்கனவே 32 பேரை கைது செய்தனர். இப்போது மேலும் 18 பேர் கைது செய்யப்பட்டுள்ளனர். இவர்களில் 7 பேர் சிறுவர்கள்.

18 பேரையும் போலீசார் கோர்ட்டில் ஆஜர்படுத்தினர். பின்னர் 7 பேர் சிறுவர் சீர்த்திருத்த பள்ளிக்கும், 11 பேர் சிறையிலும் அடைக்கப்பட்டனர். யாரோ ஒரு நடிகரின் படத்தை பார்ப்பதற்காக இப்படி ரகளை செய்து, தங்கள் பிள்ளைகள் சிறைக்கு செல்வதை பார்த்த பெற்றோர்கள் போலீஸ் ஸ்டேஷன் மற்றும் கோர்ட் வாசல் முன் சோகத்துடனும், கண்ணீரும், கம்பலையுமாக நின்றிருந்தனர். இன்னும் சிலரோ தங்கள் முகத்தை வெளியே காட்டாத அளவுக்கு முடியபடி சென்றனர்.

சினிமா என்பது வெறும் பொழுதுபோக்கு. ஒரு காட்சி இல்லாவிட்டால் அடுத்தக்காட்சி. இதற்கு போய் பொது சொத்துக்களை சேதப்படுத்தி, இப்படி வாழ்க்கையையும் வீணாக்கி, பெற்றோரையும் கலங்க வைக்கும் இது போன்ற ரசிகர்களை என்னவென்று சொல்வது.

சரி ரசிகர்கள் தான் இப்படி இருக்கிறார்கள் என்றால் இந்த விஷயத்தில் நடிகர் விஜய், இதுவரை வாய் திறக்கவே இல்லை. பேனர் விஷயத்தில், ‛‛என் ரசிகர்கள் மீது கை வைக்காதீர்கள் நான் சும்மா இருக்க மாட்டேன் என்கிற ரீதியில் பிகில் பட இசை வெளியீட்டில் பேசிய விஜய், தன் ரசிகர்களை இது போன்று செய்யாதீர்கள் என கண்டிக்கவில்லை., ஒரு அறிக்கை கூட விடவில்லை. படம் வெளியாகும் போது மட்டும் அரசியல் பேசிவிட்டு, அதையை படத்திற்கு ஒரு பரபரப்பாக்கி, விளம்பரமும் தேடி கொடுத்துவிட்டு ‛கம்னு, உம்முனு, ஜம்முனு இருந்துவிட்டார்.

• 
  வீர சாவர்க்கரை அப்படியே பிரதிபலிக்கும் ரன்தீப்
• 
  போதைப்பொருள் வழக்கு - ஷாருக்கான் மகன் ஆரியன் கான் அப்பாவியாம்
• 
  ஷோலே டைட்டிலை யாரும் பயன்படுத்தகூடாது: நீதிமன்றம் உத்தரவு
• 
  பிருத்விராஜ் படத்திற்காக 3 நகரங்கள் மறு உருவாக்கம்
• 
  நவாசுதீன் சித்திக்கிற்கு பிரென்சு ரிவேரியா விருது

• 
  விஜய்யுடன் நடிக்கும் குழந்தை நட்சத்திரங்கள்!
• 
  'அடடே சுந்தரா' டிரைலர் மே 30ல் வெளியீடு
• 
  ஆக் ஷனில் அசத்தும் அக்னிச் சிறகுககள் டீசர்
• 
  குறும்படத்தில் நடித்த எஸ்.ஏ.சந்திரசேகர்
• 
  வருமானவரி வழக்கில் இருந்து விடுவிக்க கோரிய எஸ்.ஜே.சூர்யாவின் மனு ...