Dinamalar

நட்சத்திர ஓட்டலில் புழு நெளியும் உணவு: நிலா அதிர்ச்சி

நிலாவை நினைவிருக்கிறதா? எஸ்.ஜே.சூர்யாவின் அறிமுகம் அவர். அன்பே ஆருயிரே படத்தில் நடித்தார். அதன் பிறகு ஜாம்பவான், லீ, மருதமலை, கில்லாடி, காளை உள்ளிட்ட பல படங்களில் நடித்தார். அவரது இயற்பெயர் மீரா சோப்ரா. அந்த பெயருடன் ஹிந்தியில் சில படங்கள் நடித்தார்.

ஒரு விளம்பர படப்பிடிப்புக்காக ஆமதாபாத் சென்றவர், அங்கு ஒரு நட்சத்திர ஓட்டலில் தங்கி இருக்கிறார். அங்கு அவருக்கு வழங்கப்பட்ட உணவில் புழுக்கள் நெளிந்திருக்கிறது. இதை பார்த்து அதிர்ச்சி அடைந்த அவர், அதனை வீடியோ எடுத்து இன்ஸ்ட்ராகிராம் பக்கத்தில் வெளியிட்டுள்ளார். அதில் அவர் எழுதியிருப்பதாவது:

நான் ஆமதாபாத்தில் உள்ள 5 நட்சத்திர ஓட்டலில் தங்கி இருக்கிறேன். அறையில் இருந்து உணவு ஆர்டர் செய்தேன். அதில் புழுக்கள் இருந்ததை பார்த்து அதிர்ச்சியானேன். நீங்களே நன்றாக பாருங்கள். இதுபோன்ற ஓட்டல்களில் அதிக வாடகை கொடுத்து தங்கி இருக்கிறோம். ஆனால் அவர்களோ புழுக்கள் உள்ள உணவை தருகிறார்கள்.

கடந்த ஒரு வாரமாக இந்த ஓட்டலில் தான் தங்கி இருக்கிறேன். இங்கு தங்கிய பிறகு எனக்கு உடல்நிலையில் பாதிப்பு ஏற்பட்டு உள்ளது. அதற்கான காரணத்தை இப்போதுதான் கண்டு பிடித்து இருக்கிறேன். இதை மற்றவர்களுக்கு தெரியப்படுத்தவே சமூக வலைத்தளத்தில் வெளியிடுகிறேன்.
இவ்வாறு நிலா எழுதியுள்ளார்.

• 
  கைதி படத்தின் ஹிந்தி ரீமேக் : இயக்குநர் திடீர் மாற்றம்
• 
  ஹிந்தி விக்ரம் வேதா பட்ஜெட் அதிகரிப்பா? - தயாரிப்பு தரப்பு விளக்கம்
• 
  பாலியல் துன்புறுத்தல் பற்றி பேசுவது எளிதானதல்ல : குப்ரா சயித்
• 
  அசாம் நடிகர் தமிழ்நாட்டில் பலி
• 
  தங்கப்பதக்கத்தை சோனுசூட்டுக்கு சமர்ப்பணம் செய்த கராத்தே வீராங்கனை

• 
  ஜவான் - ஷாருக்கானுக்கும் வில்லன் விஜய் சேதுபதி?
• 
  ஷங்கரின் படத்தில் நடனத்திற்கு 1000 பேர், சண்டைக்கு 1200 பேர்
• 
  ‛வாரியர்' விழாவில் கலந்து கொள்ளும் 28 பிரபலங்கள்
• 
  மீண்டும் ஹீரோவாக நடிக்கும் சவுந்தர்ராஜா
• 
  அரசு பள்ளிகளில் மாதம் ஒரு சினிமா: தமிழக அரசு முடிவு