Dinamalar

களத்தூர் கண்ணம்மாவுக்கும், கமல்ஹாசனுக்கும் வயது 60

எழுத்தின் அளவு:

பரமக்குடியை சேர்ந்த வக்கில் சீனிவாசன், ராஜலட்சுமி தம்பதிகளின் கடைசி மகன் கமல்ஹாசன். பள்ளி விடுமுறை காலத்தில் சென்னையில் உள்ள அத்தை, மாமா வீட்டிற்கு வருவார். அப்படி ஒரு முறை வரும்போது குடும்ப மருத்துவர் ஒருவர், ஏவிஎம் ஸ்டூடியோவுக்கு ஷூட்டிங் பார்க்க கமலை அழைத்துச் சென்றார்.

படப்பிடிப்பு தளத்தில் துறுதுறுவென விளையாடிக் கொண்டிருந்த கமல்ஹாசனை பார்த்த ஏவிஎம் செட்டியாருக்கு மிகவும் பிடித்து விட்டது. குடும்ப மருத்துவரை அழைத்து பையன் யார் என்று விசாரித்தார். "நம்ம செட்டிநாட்டு பையன் தான். வக்கில் சீனிவாசனோட கடைசி புள்ளை" என்று கூறியிருக்கிறார். அப்போது அவர் களத்தூர் கண்ணம்மா படத்திற்கு ஒரு குழந்தை நட்சத்திரத்தை தேடிக் கொண்டிருந்தார். அதற்கு கமலை தேர்வு செய்தார்.

"பையன் சினிமாவில் நடிப்பானான்னு அவுங்க வீட்டுல கேட்டுச் சொல்லும்" என்றார் செட்டியார். மறுநாள் மருத்துவர் வந்து "வக்கில் ஓகே சொல்லிட்டார். ஆனா படத்தை அவன் லீவுக்குள்ள முடிச்சிடனும், படிப்பு கெட்டுவிடக்கூடாது என வக்கில் சொல்லிட்டார்" என்றார்.

இப்படித்தான் கமல் நட்சத்திரம் ஆனார். முதல் படத்திலேயே சிறந்த குழந்தை நட்சத்திரத்திற்கான தேசிய விருது பெற்றார். அதன் பின் பசி தீரும், பாத காணிக்கை, வாணம்பாடி, ஆனந்த ஜோதி உள்ளிட்ட படங்களில் குழந்தை நட்சத்திரமாக நடித்தார். அப்போதைய முன்னணி நடிகர்களான எம்.ஜி.ஆர், சிவாஜி மற்றும் ஜெமினி கணேஷன் உடன் கமல் நடித்துள்ளார்.

1973-ம் ஆண்டு கே.பாலசந்தர் இயக்கத்தில் வெளியான அரங்கேற்றம் படத்தில் முழுமையான நடிகர் ஆனார். அதன்பிறகு அவர் கடந்து வந்த பாதை அனைவரும் அறிந்ததே. இன்று(ஆக.,12) களத்தூர் கண்ணம்மாவுக்கும், பரமக்குடி கமல்ஹாசனின் சினிமா அனுபவத்துக்கும் 60 வயது நிறைவடைகிறது.

• 
  நம்புங்க, அனில் கபூர் தான் இது....
• 
  கங்கனாவிற்கு மும்பை போலீஸ் சம்மன்
• 
  கேன்சரிலிருந்து மீண்டுவிட்டேன் : சஞ்சய் தத் நெகிழ்ச்சிப் பதிவு
• 
  ஷாருக், கஜோலுக்கு லண்டனில் சிலை
• 
  விஜய் தேவரகொண்டாவுக்கு தந்தையாக நடிக்கும் சுனில் ஷெட்டி

• 
  மக்கள் அழைத்தால் மக்கள் இயக்கம் அரசியல் கட்சியாக மாறும் - எஸ்.ஏ.சி.,
• 
  நெற்றிக்கண் பர்ஸ்ட் லுக் வெளியீடு
• 
  தந்தை தயாரிப்பில் ஜீவா
• 
  ஒரே ஷாட்டில் எடுக்கப்பட்ட முதல் கமர்சியல் படம் 'டிராமா'
• 
  குட்டி சிரஞ்சீவி சார்ஜா வந்தாச்சு