Dinamalar

கூர்கா - 15 லட்ச ரூபாய் லாபத்துக்கு சக்சஸ் மீட்

எழுத்தின் அளவு:

தமிழ் சினிமாவில் கடந்த சில வருடங்களாக 'சக்சஸ் மீட்' என்ற கலாச்சாரம் இருந்து வருகிறது. ஒரு படம் வெள்ளிக்கிழமை வெளியானால் அடுத்த சில நாட்களில், திங்கள் அல்லது செவ்வாய் அன்றே படத்தின் சக்சஸ் மீட்டை நடத்துவார்கள். ஆனால், படம் எவ்வளவு லாபம் கொடுத்தது என்பதை படத்தின் தயாரிப்பாளரும் சொல்ல மாட்டார், வாங்கியவர்களும் சொல்ல மாட்டார்கள். நடித்தவர்களும் சொல்ல மாட்டார்கள். ஆனால், அனைவருமே “படம் 'சக்சஸ்' அதற்கு ஆதரவு கொடுத்த ரசிகர்களுக்கும், சிறப்பாக விமர்சனம் செய்த பத்திரிகையாளர்களுக்கும் நன்றி'' என்று ஒரே மாதிரி பேசுவார்கள்.

ஆனால், நேற்று நடந்த 'கூர்கா' படத்தின் சக்சஸ் மீட்டில் படத்தை வாங்கி வெளியிட்ட தயாரிப்பாளர் ரவீந்தர் சந்திரசேகரன் 'கூர்கா' படத்தை வாங்கி வெளியிட்டு சினிமாவில் முதன் முதலாக லாபம் சந்தித்துள்ளேன் என்று பேசினார்.

“இந்தப் படத்தை விலை கொடுத்து வாங்கினேன். அந்த விலையில புதன் கிழமை அன்னைக்கு முதன் முதலா சினிமாவுல 5 லட்ச ரூபாய் சம்பாதிச்சேன். இன்னைக்கு வெள்ளிக்கிழமை 15 லட்ச ரூபாய் சம்பாதிச்சிருக்கேன். இந்த தேதிலதான் சக்சஸ் மீட் வைக்கணும்னு ரொம்ப தெளிவா இருந்தேன். இந்தப் படம் 6 கோடியே 56 லட்சம் மொத்த வசூல் பண்ணியிருக்கு. நிகர வசூல் 5 கோடியே 32 லட்சம். நான் படத்தை வாங்கினதை விட சினிமாவுல 6 வருஷம் கழிச்சி, முதன் முதலா லாபம் அப்படின்னு பார்த்திருக்கேன். நான் தயாரிச்ச 3 படம் பெயிலர் ஆச்சி. இதுதான் எனக்கு முதல் லாபத்தைக் கொடுத்த படம்,” என்றார்.

15 லட்சம் ரூபாய்க்கு சக்சஸ் மீட் நடத்தி அதை வெளிப்படையாகச் சொன்ன ரவீந்தர் சந்திரசேகரை விழா மேடையில் இருந்த நடிகர்கள் மயில்சாமி, மனோபாலா, ரவி மரியா, படத்தின் இயக்குனர் சாம் ஆண்டன் ஆகியோர் பாராட்டினார்கள். மேடையிலேயே சாம் ஆண்டனுக்கு தன் தயாரிப்பில் அடுத்த பட வாய்ப்பைத் தருவதாக வாக்குறுதி அளித்தார் ரவீந்தர் சந்திரசேகரன்.

• 
  பலாத்கார புகார் - இயக்குனர் அனுராக்கிற்கு மும்பை போலீஸ் சம்மன்
• 
  கவர்னரை சந்தித்தார் பாயல் கோஷ்: அனுராக் காஷ்யபை கைது செய்ய கோரிக்கை
• 
  ரியாவுக்கு எதிராக பலத்த ஆதாராம்
• 
  ரியாவுக்கு ஜாமீன் தரக்கூடாது ; போதைப்பொருள் கட்டுப்பாட்டு துறை தீவிரம்
• 
  மீண்டும் கணவருடன் சமரசம் ஆன பூனம் பாண்டே

• 
  தயாரிப்பாளர் கிருஷ்ணகாந்த் திடீர் மரணம்
• 
  எஸ்.பி.பி., பெயரில் 'டப்பிங் ஸ்டூடியோ!'
• 
  இன்னும் எத்தனை பேரோ!
• 
  இதுவும் நடிப்பா ஹரிஷ்...!
• 
  சினிமா நிறைய மாறிவிட்டது!