Dinamalar

ஆடை டீசரால் நீக்கப்பட்டாரா அமலா பால்

விஜய் சேதுபதியின் 33வது படத்தில் அவருடைய ஜோடியாக நடிக்க அமலா பால் ஒப்பந்தம் செய்யப்பட்டார். படப்பிடிப்பு ஊட்டியில் ஆரம்பமான சில நாட்களில் அப்படத்திலிருந்து அமலாபால் நீக்கப்பட்டு, அவருக்குப் பதிலாக மேகா ஆகாஷ் ஒப்பந்தம் செய்யப்பட்டார்.

இந்நிலையில் அமலா பால் தயாரிப்பு நிறுவனத்துடன் நட்பு ரீதியாக இருக்கவில்லை என்ற காரணத்தைக் காட்டி அவரை படத்திலிருந்து நீக்கியதாக செய்திகள் பரவின. ஆனால், ஆடை டீசரைப் பார்த்த பிறகுதான் இந்தப் படத்திலிருந்து தன்னை நீக்கியிருப்பார்கள் என சந்தேகிப்பதாக அறிக்கை ஒன்றின் மூலம் அமலா பால் தெரிவித்துள்ளார்.

“தயாரிப்பு நிறுவனத்துடன் நட்பு ரீதியாக இல்லை என்பதெல்லாம் தவறான தகவல். இதற்கு முன் நான் நடித்த பாஸ்கர் ஒரு ராஸ்கல் படத்தில் கூட என் சம்பளத்தை விட்டுக் கொடுத்துள்ளேன். மேலும், பட வெளியீட்டிற்காக தயாரிப்பாளருக்கு பண உதவியும் செய்துள்ளேன். அதோ அந்த பறவை போல படத்திற்காக ஒரு கிராமத்து வீட்டில் தங்கி நடித்துக் கொடுத்தேன். ஆடை படத்தில் மிகக் குறைந்த சம்பளத்தில் நடித்துள்ளேன்.

தற்போது மும்பையில் விஜய் சேதுபதியின் படத்திற்காகத்தான் என் சொந்த செலவில் வந்து, தங்கி ஆடைகளைத் தேர்வு செய்து கொண்டிருந்தேன். தயாரிப்பாளர் திடீரென எனக்கு ஒரு மெசேஜ் மட்டும் அனுப்பி படத்தில் நான் நீக்கப்பட்டதாகத் தெரிவித்தார். ஊட்டியில் தங்குமிடம் பற்றிய பிரச்சினையை மட்டும் அவர் ஆதாரமாகச் சொல்கிறார் என நினைக்கிறேன். ஆடை படத்தின் டீசரை பார்த்தபிறகு தான் தன்னை படத்திலிருந்து நீக்கியிருப்பார்கள் என சந்தேகிக்கிறேன். விஜய் சேதுபதி மீது தனக்கு எந்தவித பிரச்சனையும் இல்லை, தற்போதும் நான் அவரது ரசிகை. என்னை நீக்குவதற்கு முன்பாக என்னிடம் பேசியிருக்கலாம்,” எனக் குறிப்பிட்டுள்ளார்.

• 
  14 மாதங்கள் சித்ரவதை : நடிகை பரபரப்பு புகார்
• 
  'பாகுபலி 2' வசூலை முறியடிக்குமா 'பதான்' ?
• 
  பாலிவுட்டில் புதிய சாதனை படைத்துள்ள ஷாரூக்கான்
• 
  மகளை உலகிற்கு அறிமுகப்படுத்திய பிரியங்கா சோப்ரா
• 
  அதிவேக சாதனையில் 'பதான்' : 5 நாளில் ரூ.500 கோடி வசூல்

• 
  விஜய் - லோகேஷ் கனகராஜ் படத்திற்கு ‛லியோ' டைட்டில்: அக்.,19ல் ரிலீஸ்
• 
  ஓணம் கொண்டாட்டமாக வெளியாகிறது துல்கர் சல்மானின் 'கிங் ஆப் கோதா'
• 
  ஒரே நேரத்தில் இரண்டு மெகா இயக்குனர்களின் படங்களில் நடிக்கப் போகும் ...
• 
  திருச்செந்தூர் கோவிலில் சாமி தரிசனம் செய்த ரஜினியின் இளைய மகள் ...
• 
  விஜய் 67 படத்தில் நடிக்க 10 கோடி சம்பளம் வாங்கும் சஞ்சய் தத்!