Dinamalar

20 வருடத்திற்கு முன்பு கைநழுவிய வாய்ப்பு ஷாருக்கானுக்கு மீண்டும் கிடைக்குமா..?

பாலிவுட் நடிகர் ஷாருக்கானை பொருத்தவரை மலையாள திரையுலகை சேர்ந்த மோகன்லால், மம்முட்டி இருவரையும் தனது நடிப்பிற்கான இன்ஸ்பிரேஷன் என எப்போதுமே சொல்லி வருகிறார். இவர்கள் இருவருடனும் இணைந்து நடிக்கும் தனது ஆசையையும் அவ்வப்போது வெளிப்படுத்தியுள்ளார் ஷாருக்கான். இதில் ஆச்சரியம் என்னவென்றால் சரியாக இருபது வருடத்திற்கு முன்பு பாசில் இயக்கத்தில் மலையாளத்தில் ஹரிகிருஷ்ணன்ஸ் என்கிற படம் வெளியானது.

மம்முட்டி, மோகன்லால், ஜூஹி சாவ்லா ஆகியோர் நடித்திருந்த இந்தப்படத்தில் கிளைமாக்ஸ் தீர்மானிக்கப்பட்டு அது படமாக்கப்பட்ட பிறகும் அதற்கு பதிலாக இன்னொரு கிளைமாக்ஸ் எடுக்க முடிவு செய்தார் இயக்குனர் பாசில். அந்த கிளைமாக்ஸ்படி தன்னை விரட்டி விரட்டி காதலிக்கும் மோகன்லால், மம்முட்டி இருவரையும் நண்பர்கள் என கூறி ஒதுங்கிக் கொள்ளும் ஜூஹி சாவ்லா, எதிர்பாராத விதமாக இன்னொரு இளைஞனிடம் தனது காதலை வெளிப்படுத்துவார். அந்த இளைஞன் கதாபாத்திரத்தில் ஷாருக்கான் நடிப்பதாக இருந்து அதற்கான காட்சிகளும் படமாக்கப்பட்டன.

ஆனால் அதன்பின்னர் முதல் க்ளைமாக்சே ஓகே என முடிவு செய்த இயக்குனர் பாசில், ஷாருக்கான் நடித்த கிளைமாக்ஸ் காட்சியை அப்படியே ஒதுக்கி வைத்து விட்டார். இந்த நிலையில் சமீபத்தில் வட இந்திய ஊடகம் ஒன்றிற்கு பேட்டியளித்த மம்முட்டியிடம் ஷாருக்கானுடன் இணைந்து எப்போது நடிக்கப் போகிறார்கள் என்கிற கேள்வி கேட்கப்பட்டது.

அதற்கு பதிலளித்த மம்முட்டி, “நான் இந்திய அளவில் ஷாருக்கானுடன் மட்டுமல்ல, அந்தப் படத்தில் கூடவே மோகன்லாலுடனும் சேர்ந்து மூவரும் இணைந்து நடிக்க ஆவலாக இருக்கிறேன்.. அது உடனே நடைபெறவில்லை என்றாலும் கூட ஒரு காலத்தில் நடக்கும் என எனக்கு நம்பிக்கை இருக்கிறது” எனக் கூறியுள்ளார்

• 
  ஹிந்தித் திரையுலகை ஒரே ஆண்டில் இரண்டு முறை மீட்ட ஷாரூக்கான்
• 
  ஹிந்தி நடிகை வஹீதா ரஹ்மானுக்கு தாதா சாகேப் பால்கே விருது
• 
  சிங்கம் போன்ற படங்கள் சமூகத்திற்கு தவறான செய்தியை சொல்கின்றன : ...
• 
  ஹிந்தி நடிகை பரிணீதி சோப்ரா திருமணம்
• 
  உத்தரகண்ட் முதல்வரை சந்தித்த ஆதிபுருஷ் நாயகி ; பின்னணி இதுதான்

• 
  ஜெயசுதாவின் செல்போனை பிடுங்கி வைத்த மோகன்பாபு : வைரலாகும் வீடியோ
• 
  100 கோடி வசூல் கிளப்பில் இணைந்த ஆர்டிஎக்ஸ்
• 
  பாடகரின் பெருமையை பறித்துக் கொண்டேனா? : சர்ச்சைக்கு ஷான் ரகுமான் பதில்
• 
  டபுள் ஐ ஸ்மார்ட் ஷங்கர் படத்தில் டபுள் ஹீரோயின்
• 
  மலையாள இயக்குனர் கே.ஜி.ஜார்ஜ் காலமானார்