சிறப்புச்செய்திகள்
ரம்யாவின் கனவு | டிச. 3ல் ஆர்ஆர்ஆர் டிரைலர் | நான் சிந்திய சிறுதுளியை தரையில் விழாமல் தாங்கிய உங்கள் அன்பிற்கு நன்றி - சிம்பு நெகிழ்ச்சி | கீர்த்தி சுரேஷின் வாஷி படப்பிடிப்பு துவங்கியது | 83-ஐ கேரளாவில் வெளியிடும் பிரித்விராஜ் | அரசகுடும்ப வாரிசாக மாறிய நிவின்பாலி | சிகிச்சையில் கமல் - விக்ரம் படப்பிடிப்பில் மாற்றம் செய்த லோகேஷ் கனகராஜ் | ரசிகர்களுக்கு வெங்கட்பிரபு வேண்டுகோள் | 3 நாள் கொண்டாட்டமாக கத்ரினா கைப் - விக்கி கவுஷல் திருமணம் | புஷ்பா - சமந்தாவின் நடனப் பாடல் இன்று படப்பிடிப்பு |
கிரேஸி மோகன் உடல் தகனம் : சிரிக்க வைத்தவர்... அழவைத்து சென்றாரே...!
மறைந்த நடிகரும், வசனகர்த்தாவுமான கிரேஸி மோகன் உடல் சென்னை, பெசன்ட் நகரில் உள்ள மின்மயானத்தில் தகனம் செய்யப்பட்டது. கடைசி நிமிடம் வரை வாழ்க்கையை, "டேக் இட் இஸி"யாக வாழ்ந்து, எல்லோரையும் சிரிக்க வைத்தவர், இப்போது அழவைத்து சென்றுவிட்டார்.
நடிகர், காமெடியன், எழுத்தாளர், நாடக ஆசிரியர், ஓவியர், வசன கர்த்தா என பன்முக திறமை கொண்டவர் கிரேஸி மோகன் 67. எளிமையான நகைச்சுவை வசனங்களால் ரசிகர்களின் இதயங்களை கொள்ளை அடித்தவர். திடீர் மாரடைப்பு அதுவும் முதன்முதலாக வந்த மாரடைப்பில் அவரது உயிர் பிரிந்தது.
கே.பாலசந்தரின் பொய்க்கால் குதிரை படம் மூலம் வசனகர்த்தாவாக சினிமாவில் அறிமுகமானவர், பின்னர் கமலின் நட்பு கிடைக்க, அவருடன் அபூர்வ சகோதரர்கள், மைக்கேல் மதன காமராசன், அவ்வை சண்முகி, தெனாலி, வசூல்ராஜா எம்பிபிஎஸ்., இந்தியன், பஞ்சதந்திரம் உள்ளிட்ட ஏகப்பட்ட படங்களில் பணியாற்றினார். நாடகத்திலும் வெற்றி கண்ட கிரேஸி, தமிழகம் தவிர்த்து இந்தியா முழுக்க தனது நாடகத்தை அரங்கேற்றி ரசிகர்களை கவர்ந்தார்.
பிரபலங்கள் அஞ்சலி
மறைந்த கிரேஸியின் உடல் சென்னை, மந்தைவெளியில் உள்ள அவரது இல்லத்தில் அஞ்சலிக்காக வைக்கப்பட்டிருந்தது. கமல்ஹாசன், எஸ்பி பாலசுப்ரமணியம், சுரேஷ் கிருஷ்ணா, சூர்யா, சிவக்குமார், எஸ்வி சேகர், ஜெயராமன், கவுண்டமணி, கவுதமி, கோவை சரளா, நாசர், விவேக், மனோபாலா, பிரசாந்த், பாரதிராஜா, கேஎஸ்.ரவிக்குமார், ஐசரி கணேஷ், ரமேஷ் கண்ணா, சிஆர்.சரஸ்வதி, ஜிவி பிரகாஷ், ரமேஷ் திலக், குட்டி பத்மினி, சிவகார்த்திகேயன், சாம் சிஎஸ், பிசி ஸ்ரீராம், மும்தாஜ், சித்ரா லட்சுமணன், இயக்குநர் விஜய், வையாபுரி, தாமு, இசையமைப்பாளர் தேவா, பிரசன்னா, பாண்டியராஜன், வஸந்த், பாஸ்கி உள்ளிட்ட திரையுலக பிரபலங்கள் பலர் அஞ்சலி செலுத்தினர்.
தகனம்
பின்னர் அவரது உடல் ஊர்வலமாக எடுத்துச் செல்லப்பட்டு, சென்னை பெசன்ட் நகரில் உள்ள மின்மயானத்தில் வைத்து தகனம் செய்யப்பட்டது. இறுதிச்சடங்கில் நடிகர் கமல்ஹாசன் கலந்து கொண்டார். அவருடன் நடிகை பூஜா குமாரும் உடன் வந்திருந்தார். மதன்பாபு, கணேஷ்(ஆர்த்தி கணவர்), காத்தாடி ராமமூர்த்தி போன்றவர்களும் பங்கேற்றனர்.
"டேக் இட் ஈஸி... லைப் இஸ் கிரேஸி" என்ற தாரக மந்திரத்துடன் தன்னுடைய வாழ்க்கையை வாழ்ந்தவர் கிரேஸி. கிரேஸி மோகன் என்றாலே வார்த்தைக்கு வார்த்தை நகைச்சுவை, கேள்விக்கு பதில் சொன்னாலும் நகைச்சுவை என நகைச்சுவையே தன் வாழ்க்கையாக வாழ்ந்தவர். பேச்சுவாக்கில் நகைச்சுவையை அடுக்கி கொண்டே போகும் கிரேஸி மோகன் இன்று நம்மோடு இல்லை. ஆனால் அவரின் நகைச்சுவை என்றும் நம்மோடு இருக்கும்.
தர்பார் படப்பிடிப்பில் பேரனுடன் ...
காந்தி படத்தை விட என்னுடைய படத்தை ...நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி
வாசகர் கருத்து (10)
எனக்கு தெரிந்த மோகன் எழுதிய ஒரு சீரியஸ் டயலாக் , அபூர்வ சகோதரர்களில் , அப்பு டெல்லி கணேஷிடம் கொலை செய்வதற்கு முன் கேட்பார் ,இது என்ன தெரியுமா ? டெல்லி கணேஷ் சொல்வார் -கோலி , இல்லை , நீ விளையாட்டா செஞ்ச வினை . இப்ப இந்த வினை செய்யற விளையாட்ட பாக்கறியா ? அருமையான வசனம் . மோகனுக்கு சீரியஸ் ஆகவும் எழுத தெரியும்.
உடலை விட்டு சுவர்க்கம் நோக்கி வெளியேறும் ஆன்மாவுடன் இணந்திருந்த புகழ் பெருமை உலகம் உள்ள்ளவும் போற்றப்படுகிறது. அவன் தான் மனிதன். இகழப் படுபவன் மனிதனல்ல.
அருமையான நகைச்சுவை வசனகர்த்தா,அபூர்வ சகோதரர்கள் படத்தில் ஒரு கட்சியில் ரூபிணி அவருடன் வரும் காதலனை அறிமுகப்படுத்துவார்,அப்போது இவர் என் கூட படிச்சவர் என்பார் அதற்கு மௌலி நீ ஏன் குறைவா படிச்சா என்பார் - அதேபோல் மனம் இருந்தால் மார்கபந்து வசனம் கூட-இப்படியெல்லாம் சிரிக்க வைத்தவர் இன்று நம்மோடு இல்லை -அவர் ஆத்மா சாந்தி அடையட்டும்...
எனக்குத்தெரிந்து இரட்டை அர்த்தம் இல்லாமல் நகைச்சுவையை தந்த ஒரே காமெடி வசனகர்த்தா இவர்தான். அவரது ஆன்ம இறைவன் திருவடியில் இளைப்பாறட்டும்.
சிரிப்பு என்கிற மருந்தை வாரி வாரி வழங்கிய வள்ளல்..அவரது பேச்சு நடையும் அபாரம்..ரசிக்கவைக்கும். சோகம் தழுவும் மனதுக்கு அவரது நகைச்சுவை அருமருந்தாக இருந்தது. சொல்லில் அடங்கா வார்த்தைக்கு இன்றைக்கு இறைவனிடம் சென்று சேர்ந்துவிட்டார். வாட்சப்பில் அவரது நகைச்சுவை துணுக்குகள் வந்துகொண்டுள்ளது. இந்த இக்கட்டான சூழலிலும் சிரிக்கவைக்கின்ற நகைச்சுவை அவை. காலம் கிரேசி மோகனைத்தான் கூட்டி செல்லுமே அன்றி அவரது நகைச்சுவையை மண் உள்ளவரை விட்டுவைக்கும். ஈசனின் திருவடிகளில் அன்னாரின் ஆன்மா இளைப்பாறட்டும்..
- மாயன்
- நடிகர் : வினோத் மோகன்
- நடிகை : பிந்து மாதவி
- இயக்குனர் :ராஜேஷ் கண்ணா
- பிழை
- இயக்குனர் :ராஜவேல் கிருஷ்ணா
- தேவதாஸ்
- நடிகர் : உமாபதி
- நடிகை : ஐரா ,மனிஷா யாதவ்
- இயக்குனர் :மகேஷ்.ரா
- தமிழரசன்
- நடிகர் : விஜய் ஆண்டனி
- நடிகை : ரம்யா நம்பீசன்
- இயக்குனர் :பாபு யோகேஸ்வரன்
