Dinamalar

ஹவுஸ் ஓனர் படத்தில் நடிக்க தடை: லட்சுமி ராமகிருஷ்ணன்

தான் இயக்கும் ஹவுஸ் ஓனர் படத்தில் தன்னை நடிக்கக் கூடாது என தன்னுடைய கணவர் நிபந்தனை விதித்ததாக, இயக்குநர் லட்சுமி ராமகிருஷ்ணன் கூறியிருக்கிறார். தொலைக்காட்சித் தொடர்களில் கவனம் செலுத்தி வந்த நடிகை லட்சுமி ராமகிருஷ்ணன், தொடர்ந்து சினிமாவிலும் நடித்து வந்தார். அவ்வப்போது, சமூக அக்கறையுடன் கூடிய படங்களை எடுத்து, அதை இயக்கியும் வந்தார். அந்த வகையில், தற்போது, ஹவுஸ் ஓனர் என்ற பெயரில் புதிய படம் ஒன்றை எடுத்து, அதை இயக்கி இருக்கிறார்.

சென்னையில், கடந்த 2015ல் பெரும் மழை-வெள்ளம் வந்து, மாநகரையே புரட்டிப் போட்டு, நிலை குலைய செய்தது. அதுதான், ஹவுஸ் ஓனர் படத்தின் கதைக்களம். இந்தப் படத்தில் நடிக்கத்தான், லட்சுமி ராமகிருஷ்ணனின் கணவர் ராமகிருஷ்ணன் தடை போட்டதாகக் கூறியிருக்கிறார்.

இந்தப் படத்தில், நடிகை விஜி சந்திரசேகரின் மகள் லிவ்லின் சந்திரசேகர் கதாநாயகியாக நடிக்கிறார். கோலி சோடா கிஷோர் மற்றும் ஆடுகளம் கிஷோர், ரஞ்சனி ஆகியோரும் முக்கிய வேடங்களில் நடித்து வருகின்றனர். இந்தப் படத்துக்கான படபிடிப்பு முடிந்து மற்ற பணிகள் நடக்கின்றன.

இந்தப் படம் குறித்து தற்போது லட்சுமி ராமகிருஷ்ணன் கூறியதாவது: இந்தப் படம் முழுக்க முழுக்க ஒரு சமூகப் படம். கடந்த 2015ல், சென்னையில் மழை - வெள்ளம் நாசமாக்கியதுதான், படத்தின் கதை. இதை சென்னையில் பிரம்மாணமான செட் அமைத்து படமாக்கினோம். இதற்காக 12 லட்சம் லிட்டர் தண்ணீர் கொண்டு வரப்பட்டு, அதை வைத்து, மழை - வெள்ள காட்சிகள் அமைத்து படமாக்கினோம்.

இந்தப் படத்தில் நடிகை ரஞ்சனி கேரக்டரில் நான் தான் நடிக்க இருந்தேன். ஆனால், படத்தில் நீ நடிப்பதாக இருந்தால், படத்தை தயாரிக்க மாட்டேன் என, என்னுடைய கணவர் ராமகிருஷ்ணன் கண்டிஷனாக கூறிவிட்டார். படத்தின் இயக்குநராகவும் இருந்து, படத்திலும் நடிக்கவும் செய்யும்போது, இரண்டையும் சரிவர செய்ய முடியாமல் போகலாம் என்பது, கணவரின் எண்ணம். அதனாலேயே, அவர் அப்படிச் சொன்னார். அதை புரிந்து கொண்டு, நடிக்க வேண்டாம் என முடிவெடுத்தேன். அதன் பின்னரே, ரஞ்சனியை அந்த கேரக்டரில் நடிக்க வைத்தோம். அவரும், படத்தில் சிறப்பாக நடித்திருக்கிறார்.

இவ்வாறு அவர் கூறியிருக்கிறார்.

• 
  ஹிந்தித் திரையுலகை ஒரே ஆண்டில் இரண்டு முறை மீட்ட ஷாரூக்கான்
• 
  ஹிந்தி நடிகை வஹீதா ரஹ்மானுக்கு தாதா சாகேப் பால்கே விருது
• 
  சிங்கம் போன்ற படங்கள் சமூகத்திற்கு தவறான செய்தியை சொல்கின்றன : ...
• 
  ஹிந்தி நடிகை பரிணீதி சோப்ரா திருமணம்
• 
  உத்தரகண்ட் முதல்வரை சந்தித்த ஆதிபுருஷ் நாயகி ; பின்னணி இதுதான்

• 
  பெங்களூருவில் நடிகர் சித்தார்த்துக்கு எதிர்ப்பு: பாதியில் வெளியேறினார்
• 
  ரூ.6.5 லட்சம் லஞ்சம் கேட்ட சென்சார் போர்டு: நடிகர் விஷால் பரபரப்பு ...
• 
  ஹாரி பாட்டர் நடிகர் மைக்கேல் கேம்பன் காலமானார்
• 
  லியோ ஆடியோ விழா ரத்து- ஆதங்கத்தில் விஜய் ரசிகர்கள் வெளியிட்ட போஸ்டர்!!
• 
  சிம்பு 48வது படத்தில் இணையும் கேஜிஎப் இசையமைப்பாளர்!