Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

நடிகர் ஜே.கே.ரித்திஷ் மரணம்

13 ஏப், 2019 - 18:16 IST
எழுத்தின் அளவு:
Actor-J.-K.-Rithesh-No-more

நடிகரும், முன்னாள் எம்.பி., ஆன ஜே.கே.ரித்திஷ் மாரடைப்பால் காலமானார். அவருக்கு வயது 46. ஏற்கனவே இவருக்கு இதய பிரச்னை இருந்து, ஆஞ்சியோ சிகிச்சை மேற்கொள்ளப்பட்டிருந்தது. அதன்பின்னர் உடல்நிலை தேறிய நிலையில் அதிமுக.,விற்கு ஆதரவாக பிரச்சாரம் செய்து வந்தார். இன்றும் (ஏப்.13) அவர் ராமநாதபுரத்தில் பல பகுதிகளில் பிரசாரம் செய்தார். பிரசாரத்திற்கு பின்னர், ராமநாதபுரத்தில் உள்ள வீட்டில் உணவருந்தி ஓய்வெடுத்த போது, மாரடைப்பு ஏற்பட்டது. உடனடியாக அருகில் உள்ள மருத்துவமனைக்கு, ரித்திஷை, உறவினர்கள் அழைத்து சென்றனர். ஆனால் அவரது உயிர் பிரிந்துவிட்டது.



1973ம் ஆண்டு மார்ச் 5ம் தேதி, இலங்கையில் பிறந்து, பின்னர் ராமநாதபுரம் மாவட்டத்தில் வளர்ந்தவர் ரித்திஷ். இவரது இயற்பெயர் முகவை குமார். கானல் நீர், நாயகன், பெண் சிங்கம், சமீபத்தில் வெளியான எல்கேஜி போன்ற படங்களில் நடித்துள்ளார். சினிமாவில் நடித்துக்கொண்டே அரசியலிலும் ஈடுபட்டார்.

கடந்த 2009ம் ஆண்டு நடந்த லோக்சபா தேர்தலில் திமுக., கட்சியின் சார்பில் ராமநாதபுரம் தொகுதியில் போட்டியிட்டு வெற்றிப்பெற்று எம்.பி.ஆனார். பின்னர் பதவிக்காலம் முடிந்த பின்னர் அந்தக்கட்சியை விட்டு விலகி அதிமுக.,வில் இணைந்தார்.

நடிகராகவும், தயாரிப்பாளராகவும் இருந்த ரித்திஷ், நடிகர் சங்கம் சார்பில் விஷால் அணி களமிறங்கிய போது, அவரை வெற்றி பெறச் செய்ய உறுதுணையாக இருந்தார். பின்னர் விஷால் தயாரிப்பாளர்கள் சங்கத்தில் போட்டியிட்ட போது அதில் ஏற்பட்ட மனகசப்பால் விஷாலுக்கு எதிராக தொடர்ந்து குரல் கொடுத்து வந்தார். சில மாதங்களுக்கு முன்னர் தயாரிப்பாளர்கள் சங்கம் பூட்டு போட்ட விவகாரம் உள்ளிட்ட பல தயாரிப்பாளர்கள் சங்க பிரச்னையின் போது முன் நின்று குரல் கொடுத்தவர் ரித்திஷ்.

ரித்திஷிற்கு ஜோதிஸ்வரி என்ற மனைவியும், ஆரிக் ரோஷன் என்ற 11 வயது மகனும் உள்ளனர். ரித்திஷின் உடல் ராமநாதபுரத்தில் உள்ள அவரது இல்லத்திலேயே அஞ்சலிக்காக வைக்கப்பட்டுள்ளது. இறுதிச்சடங்குகள் நாளை(ஏப்.,14) நடைபெறுகின்றன. ஜே.கே.ரித்திஷின் திடீர் மரணம், திரையுலகினர் மற்றும் அரசியல் வட்டாரத்தில் சோகத்தை ஏற்படுத்தி இருக்கிறது.


மரணத்தில் திடீர் குழப்பம்
ரித்திஷ் மரணம் அடைந்த செய்தி வெளியான சற்றுநேரத்திலேயே அவரது உடல் வீட்டிற்கு கொண்டு செல்லப்பட்ட பின்னர், திடீரென இதயதுடிப்பு ஏற்பட்டதாகவும், மீண்டும் சிகிச்சை அளிக்கப்பட்டதாகவும் கூறப்பட்டது. ஆனால் அவரது உடலை பரிசோதித்த மருத்துவர்கள் ரித்திஷ் உயிர் பிரந்ததை உறுதிப்படுத்தினர். இதனால் அவரது மரணத்தில் குழப்பமான சூழல் ஏற்பட்டது.


இரங்கல்
ரித்திஷின் மறைவுக்கு முதல்வர் பழனிசாமி, துணை முதல்வர் பன்னீர் செல்வம், நடிகர் சங்க தலைவர் நாசர் உள்ளிட்ட பலர் இரங்கல் தெரிவித்துள்ளனர்.


Advertisement
கருத்துகள் (1) கருத்தைப் பதிவு செய்ய
தன் தாய்மை பற்றி 'அப்டேட்' தரும் எமி ஜாக்சன்தன் தாய்மை பற்றி 'அப்டேட்' தரும் ... அப்பாவுக்கு ஆதரவு தெரிவிக்கும் ஸ்ருதிஹாசன் அப்பாவுக்கு ஆதரவு தெரிவிக்கும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (1)

14 ஏப், 2019 - 09:44 Report Abuse
சுறாபாண்டி உங்கள் ஆன்மா சாந்தி அடைய இறைவனை மனதார பிராத்திக்கிரேன்
Rate this:

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Asuran
    • அசுரன்
    • நடிகர் : தனுஷ்
    • நடிகை : மஞ்சு வாரியர்
    • இயக்குனர் :வெற்றிமாறன்
    Tamil New Film Zombie
    • ஜாம்பி
    • நடிகர் : யோகி பாபு
    • நடிகை : யாஷிகா ஆனந்த்
    • இயக்குனர் :புவன் நல்லான்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2019 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in