Dinamalar

மாண்டியா தொகுதியில் தேர்தல் பிரச்சாரத்தை தொடங்கிய சுமலதா

எழுத்தின் அளவு:

தமிழ், கன்னட மொழிகளில் 100க்கும் அதிகமான படங்களில் நடித்தவர் சுமலதா, கன்னட நடிகர் அம்ரிஷ் பூரியை திருமணம் செய்து கொண்டு பெங்களூருவில் செட்டிலானார். அம்ரிஷ், காங்கிரஸ் கட்சியில் இணைந்து மத்திய, மாநில அமைச்சராக பணியாற்றினார். தற்போது அவர் மறைந்து விட்டதால் அவரது இடத்துக்கு அவரது மனைவி சுமலதாவை கொண்டுவர அம்ரிஷ் ஆதரவாளர்கள் தீவிரமாக உள்ளனர்.

காங்கிரஸ் கட்சி, அம்ரிஷ் போட்டியிட்டு வென்ற மாண்டியா தொகுதியை கூட்டணி கட்சிக்கு ஒதுக்கி விட்டது. இதனால் வாய்ப்பு இழந்த சுமலதா மாண்டியா தொகுதியில் சுயேட்சையாக போட்டியிடப்போவதாக அறிவித்தார். அவரை பாரதிய ஜனதா கட்சிக்கு இழுக்க எடியூரப்பா முயற்சி செய்தார். அதற்கு சுமலாதா, "கணவர் எதிர்த்து வந்த கட்சியில் சேர விருப்பம் இல்லை" என்று சொல்லிவிட்டார்.

இந்த நிலையில் தேர்தல் தேதி அறிவிக்கப்படாத நிலையில் மாண்டிய தொகுதியில், தனது தேர்தல் பிரச்சாரத்தை தொடங்கிவிட்டார் சுமலதா. நேற்று ஸ்ரீரங்கபட்டினம் சட்டசபை தொகுதிக்கு சென்ற அவருக்கு மக்கள் உற்சாக வரவேற்பு கொடுத்தனர். அந்த தொகுதியின் முன்னாள் எம்.எல்.ஏ., ரமேஷ் பண்டிசித் தேவகவுடாவை சந்தித்து ஆதரவு கேட்டார்.

பின்னர் அவர் பேசும்போது, "எனக்கு எந்தக் கட்சியும் கிடையாது. எனது கட்சி அம்ரிஷ்தான். வருகிற தேர்தலில் மாண்டிய மக்கள் எனக்கு ஆசீர்வாதம் (வெற்றி) வழங்க வேண்டும்" என்றார்.

• 
  பால்கி டைரக்சனில் நடிக்கும் துல்கர் சல்மான்
• 
  லைகர் அறிவிப்பு : விஜய் தேவரகொண்டா நெகிழ்ச்சி
• 
  சோனு சூட்டின் ரொமான்ஸ் இசை ஆல்பம் வெளியானது
• 
  சொர்க்கத்தில் 1௦௦ நாட்கள் ; அமிதாப்பிற்கு புதிய பொறுப்பு
• 
  ஜான்வி படப்பிடிப்பை நிறுத்திய விவசாயிகள்

• 
  18ஆம் வருடத்தில் ஒக்கடு ; மகேஷ்பாபு மனைவி மீது தயாரிப்பாளர் வருத்தம்
• 
  விரைவில் சுரேஷ்கோபியின் ஒத்தக்கொம்பன் ஆரம்பம்
• 
  பிப்ரவரியில் அடுத்தடுத்து வெளியாகும் பார்வதியின் 2 படங்கள்
• 
  விஜய்சேதுபதியின் எழுத்தாளர் அவதாரம்
• 
  லூசிபர் தெலுங்கு ரீமேக்கில் நயன்தாரா