தமிழ்ப் படங்களை முந்தும் கேப்டன் மார்வெல்

05 மார், 2019 - 13:00 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ்ப் படங்களுக்குக் கிடைக்காத ஒரு வரவேற்பு, சில சமயங்களில் வேற்று மொழிப் படங்களுக்கோ, டப்பிங் படங்களுக்கோ கிடைத்தால் தமிழ்ப் படங்களை வெளியிடுபவர்களுக்குக் கோபம் வரும். அதிக எதிர்பார்ப்பை ஏற்படுத்தியுள்ள ஹாலிவுட் படங்கள் வெளிவரும் நேரத்தில், தமிழ்ப் படங்களுக்கு வரவேற்பே இருக்காது. அப்படி ஒரு விஷயம் இந்த வாரம் நடக்க ஆரம்பித்துவிட்டது.

மார்ச் மாதம் வந்தாலே தேர்வு நேரம் வேறு, அதனால் தியேட்டர்களுக்கு மக்கள் குறைவாகவே வருவார்கள். கடந்த வாரம் வெளியான படங்களின் நிலவரத்தை வைத்தே இதைத் தெரிந்து கொள்ளலாம். இந்நிலையில் வரும் மார்ச் 8ம் தேதி, “பூமராங், பொட்டு, சத்ரு, ஸ்பாட், கபிலவஸ்து” ஆகிய சிறிய பட்ஜெட் படங்கள் வெளிவருகின்றன. இந்த நேரடித் தமிழ்ப் படங்களைத் திரையிட தியேட்டர்காரர்கள் அதிக ஆர்வம் காட்டவில்லையாம்.

மாறாக ஹாலிவுட் படமான கேப்டன் மார்வெல் படத்தைத் திரையிடத்தான் விரும்புகிறார்கள் என கோலிவுட்டில் தெரிவிக்கிறார்கள். இப்படத்தை தமிழில் டப்பிங் செய்து 3டியில் வேறு வெளியிடுகிறார்கள். ஏப்ரல் மாதம் வெளியாக உள்ள அவெஞ்சர்ஸ் 4 படத்தில் இடம் பெற உள்ள புதிய கதாபாத்திரம்தான் கேப்டன் மார்வெல். அதனால், இந்தப் படத்தைப் பார்க்க குழந்தைகளும் ஆர்வம் காட்டுவார்கள் என்பதால் படத்திற்கான முன்பதிவையும் ஆரம்பித்துவிட்டார்கள்.

கேப்டன் மார்வெல் படத்தின் போட்டியை தமிழ்ப் படங்கள் எப்படி சமாளிக்கப் போகின்றன என்பதுதான் இந்த வார கோலிவுட்டின் கேள்வியாக இருக்கும்.

captainmarvel

கருத்துகள் (0) கருத்தைப் பதிவு செய்ய

'பின்க்' போஸ்டர் அப்படியே காப்பி?

மீண்டும் படம் தயாரிக்கும் நிதின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய