Dinamalar

எல்கேஜி இயக்குனருக்குக் கார் பரிசளிப்பு

அறிமுக இயக்குனர் கேஆர் பிரபு இயக்கத்தில், ஆர்ஜே பாலாஜி, பிரியா ஆனந்த், ஜேகே ரித்தீஷ் மற்றும் பலர் நடித்து வெளிவந்த படம் எல்கேஜி. இந்தப் படம் நல்ல வரவேற்பைப் பெற்று லாபகரமான வெற்றியைக் கொடுத்தது. அதைத் தொடர்ந்து உடனே சக்சஸ் மீட்டும் நடத்தினார்கள்.

ஆனால், அந்த விழாவுக்கு படத்தின் இயக்குனர் கேஆர் பிரபு, பைக்கில்தான் வந்து சென்றார். ஒரு பெரிய வெற்றிப் படத்தைக் கொடுத்த இயக்குனருக்கு படத்தின் தயாரிப்பாளரோ, நாயகனோ ஒரு காரை பரிசாக அளித்திருக்கலாமே என நாம் செய்தி வெளியிட்டிருந்தோம்.

அதைத் தொடர்ந்து இப்போது இயக்குனர் கேஆர் பிரபுக்கு கார் ஒன்றை படத்தின் தயாரிப்பாளர் பரிசளித்திருக்கிறார். மேலும், படத்தில் பணியாற்றிய உதவி இயக்குனர்களுக்கும் சிறப்பு பரிசுகளைக் கொடுத்திருக்கிறார்.

இது பற்றி படத்தின் இயக்குனர் கேஆர். பிரபு கூறுகையில், “எனக்கு எளிமைதான் பிடிக்கும். அதனால்தான் பைக்கில் பல இடங்களுக்கும் செல்வேன். நான் பைக்கில் சென்ற செய்தியைப் படித்துவிட்டுத்தான் தயாரிப்பாளர் கார் வாங்கிக் கொடுத்தாரா என்பது தெரியாது. எல்கேஜி படத்திற்கு இந்த அளவிற்கு வரவேற்பு கொடுத்த மக்கள், பாராட்டி எழுதிய பத்திரிகையாளர்கள், படத்தின் தயாரிப்பாளர் ஐசரி கணேஷ் சார், ஆர்ஜே பாலாஜி, பிரியா ஆனந்த், மற்றும் அனைத்து படக்குழுவினருக்கும் எனது நன்றி,” எனத் தெரிவித்தார்.

• 
  800 கோடி வசூலைக் கடந்த 'பதான்'
• 
  சன்னி லியோன் நிகழ்ச்சி நடைபெற உள்ள இடத்திற்கு அருகே குண்டு வெடித்ததால் ...
• 
  14 மாதங்கள் சித்ரவதை : நடிகை பரபரப்பு புகார்
• 
  'பாகுபலி 2' வசூலை முறியடிக்குமா 'பதான்' ?
• 
  பாலிவுட்டில் புதிய சாதனை படைத்துள்ள ஷாரூக்கான்

• 
  ‛விடுதலை'-க்காக இளையராஜா இசையில் பாடிய தனுஷ்
• 
  ‛மைக்கேல்' விமர்சனம் : அனைவரையும் திருப்திபடுத்தும் படைப்பு இல்லை - ...
• 
  'ஏகே 62' இந்த வாரம் அறிவிப்பு வருமா ?
• 
  வாரிசு - 300 கோடி கடந்ததாக விஜய் ரசிகர்கள் செய்யும் 'டிரெண்டிங்'
• 
  கீதா கோவிந்தம் இயக்குனருடன் மீண்டும் இணையும் விஜய் தேரகொண்டா