Dinamalar

முன்பதிவில் தடுமாறும் 'எல்கேஜி, கண்ணே கலைமானே'

தமிழ் சினிமாவில் முன்னணி ஹீரோக்களின் படங்களைத் தவிர மற்ற படங்கள் முன்பதிவுக்கு தடுமாறும் ஒரு சூழல் கடந்த சில வருடங்களாக இருந்து வருகிறது. டிக்கெட் கட்டண உயர்வு, தியேட்டர்களில் தின்பண்டங்களின் அநியாய விலை, பார்க்கிங் கட்டணக் கொள்ளை ஆகியவற்றை மீறி படத்தைப் பார்க்க வரும் நடுத்தரக் குடும்பத்து மக்களின் எண்ணிக்கை வெகுவாகக் குறைந்துவிட்டது.

அவர்களது மாதாந்திர பட்ஜெட்டில் சினிமாவுக்கென தனியாக இப்போது ஒதுக்கப்படுவதில்லை. எப்போதாவது ஒரு முறைதான், சினிமாவுக்கென பட்ஜெட்டை ஒதுக்குகிறார்கள். இதனால், பல நடுத்தர, சிறிய பட்ஜெட் படங்களின் வசூல் வெகுவாகவே பாதிக்கப்படுகிறது.

நாளை பிப்ரவரி 22ம் தேதி 'எல்கேஜி, கண்ணே கலைமானே, பெட்டிக்கடை' ஆகிய படங்கள் வெளியாக உள்ளன. இவற்றில் 'எல்கேஜி, கண்ணே கலைமானே' ஆகிய இரண்டு படங்களும் வசதியான பெரிய நிறுவனங்களின் தயாரிப்புகள். ஆனால், இந்த இரண்டு படங்களுக்குமான பிரமோஷன் மிகக் குறைந்த அளவில் உள்ளது.

'எல்கேஜி' படத்தில் அரசியல் நிலவரங்களைக் கிண்டலடித்து டிரைலரில் சேர்த்து பரபரப்பை ஏற்படுத்தினார்கள். 'கண்ணை கலைமானே' படம் குடும்பப் படமாக உருவாகி உள்ளது.

சில தினங்களுக்கு முன்பு அதிகாலை காட்சி குறித்து எல்கேஜி நாயகன் பாலாஜி, நடிகர் விஷ்ணு விஷால் இருவரும் சமூக வலைத்தளத்தில் சண்டையிட்டு பரபரப்பை ஏற்படுத்தினாலும் அந்த அதிகாலை காட்சிக்கான டிக்கெட் கூட இன்னும் முழுமையாக விற்கப்படவில்லை.

நாளை படம் வெளியாகும் நாளிலேயே இரண்டு படங்களுக்குமான முன்பதிவு மிகவும் குறைவாகவே உள்ளது. படம் வெளியாகி அதன் விமர்சனம் வந்த பிறகாவது அவை மாறுமா என்பது நாளைதான் தெரியும்.

• 
  என்னை வேவு பார்ப்பவர்களை வீடு புகுந்து அடிப்பேன் : கங்கனா ஆவேசம்
• 
  பதான் இயக்குனருடன் சேர்ந்து பிரபாஸ் - ஹிருத்திக் படத்தை புதுப்பிக்கும் ...
• 
  அமெரிக்க வசூல் - இரண்டாம் இடத்தைப் பிடித்த 'பதான்'
• 
  800 கோடி வசூலைக் கடந்த 'பதான்'
• 
  சன்னி லியோன் நிகழ்ச்சி நடைபெற உள்ள இடத்திற்கு அருகே குண்டு வெடித்ததால் ...

• 
  விக்ரமின் ‛துருவ நட்சத்திரம்' விரைவில் திரையில் மின்னப் போகிறது
• 
  வைரலாகும் விக்ரம் படத்தின் திரைக்கதை புத்தகம்
• 
  மகிழ்திருமேனிக்கு அஜித் போட்ட உத்தரவு
• 
  தனுஷின் வாத்தி டிரைலர் நாளை வெளியாகிறது
• 
  கடும் குளிரில் விஜய் படக்குழுவினர் அவதி: சென்னை திரும்பினார் த்ரிஷா