Dinamalar

இளையராஜாவுக்கு இன்னொரு நிகழ்ச்சி : இது பார்த்திபன் கனவு

எழுத்தின் அளவு:

'இளையராஜா-75' நிகழ்ச்சி, திட்டமிட்டவாறு நடந்து முடிந்து விட்டாலும், நிகழ்ச்சியில் ஏகப்பட்ட குளறுபடிகள் இடையிடையே ஏற்பட்டன. முறையாக திட்டமிட்டு எல்லாவற்றையும் செயல்படுத்தும் ஆற்றல் பெற்ற நடிகர் பார்த்திபன், நிகழ்ச்சியில் பங்கேற்காதது தான், இந்த குளறுபடிகளுக்கெல்லாம் காரணம் என இப்போது சொல்லப்படுகிறது. இது குறித்து, தமிழ் திரைப்படத் தயாரிப்பாளர் சங்கத் தலைவர் ஒருவர் கூறியதாவது:

'இளையராஜா-75' நிகழ்ச்சி இசை ரசிகர்களை திருப்திப்படுத்தி விட்டது. ஆனால், மலேசியா, சிங்கப்பூர் போன்ற நாடுகளிலிருந்து அதிக ரசிகர்கள் வந்து கலந்து கொண்டனர். ஆனால், பத்தாயிரம் ரூபாய் கொடுத்தவர்கள்கூட, வெகு தூரத்தில் அமர்ந்துதான், நிகழ்ச்சியை பார்க்கும்படி ஆனது. இது, பெரிய மனக்குறையாகி விட்டது.

அதோடு, முதல் நாள் நிகழ்ச்சியில், கவர்னர் பன்வாரிலால் புரோகித் குத்து விளக்கு ஏற்றித் தொடங்கி வைக்கும் நிகழ்ச்சியில், பல்வேறு குளறுபடிகளை செய்தனர். ஒருங்கிணைப்பு எதுவும் இல்லை. கூடவே, தமிழ்த்தாய் வாழ்த்தை, மரு உருவாக்கம் செய்து, இஷ்டத்துக்கு இசையமைத்து ஒலிக்க விட்டனர். இது பெரிய சர்ச்சையை ஏற்படுத்தியது. முதல் நிகழ்ச்சியே, இப்படி ஏகத்துக்கும் சொதப்பியது ரசிகர்களுக்கு ஏமாற்றமாக அமைந்தது.

இந்த நிகழ்ச்சிக்கு, ஏ.ஆர்.ரஹ்மானை அழைத்து வருவதில் முக்கிய பங்கு பார்த்திபனுக்கு இருந்தது. அவர்தான், மிகுந்த சிரத்தை எடுத்து, அவரை அழைத்து வந்தார். ஆனால், நிகழ்ச்சியில் பார்த்திபன் கலந்து கொல்லாமல், இருந்து விட்டார். இந்தத் தகவல் இளையராஜாவுக்கும் சொல்லப்பட்டது. அவர், பார்த்திபனை சமாதானப்படுத்தினார். ஆனால், அவர் அதை ஏற்கவில்லை. அவர் மிகுந்த மனவேதனையில் இருந்ததால், நிகழ்ச்சிக்கு வராமல் தவிர்ந்தே விட்டார்.

அதோடு மட்டுமில்லாமல், இதே போன்றொரு இசை நிகழ்ச்சியை தான் தனியாக நடத்தி, அதை இளையராஜாவுக்கு சமர்ப்பிக்கவும் அவர் திட்டமிட்டிருக்கிறார் என்று கூறியுள்ளார்.

இளையராஜவை மேடையில், ஒரு சிம்மாசனத்தில் அமரவைத்து, அவரது பாடல்களை ஏ.ஆர்.ரஹ்மானை வாசிக்க வைக்க வேண்டும் என்பதுதான், பார்த்திபனின் திட்டமாக இருந்தது. அந்த திட்டத்தை, தன்னுடைய நிகழ்ச்சியில் அரங்கேற்றவும் பார்த்திபன் தயாராகி விட்டார். எப்படியோ, இளையராஜாவை போற்றும் அடுத்த இசை நிகழ்ச்சிக்கு, பார்த்திபன் அச்சாரம் போட்டு விட்டார்.

• 
  இப்தார் விருந்துக்கு சமையல் செய்த கங்கனா ரணாவத்
• 
  ஹிந்தி சினிமாவில் தாக்குப்பிடிக்க கீர்த்தி சுரேஷ் எடுத்த முடிவு
• 
  சல்மான் கான் போல தமிழ் நடிகர்கள் செய்வார்களா ?
• 
  தள்ளிப்போனது துல்கரின் சோயா பேக்டர் ரிலீஸ்
• 
  பிரியங்காவுடன் மீண்டும் நடிப்பாரா சல்மான்கான்..?

• 
  ஜிம்மில் ஒர்க்அவுட் செய்யும் வீடியோவை வெளியிட்ட யாஷிகா ஆனந்த்
• 
  கசட தபற பர்ஸ்ட் லுக் வெளியானது
• 
  பிரபுதேவா-தமன்னாவின் காமோஷி பின்வாங்கியது
• 
  காஞ்சனா ஹிந்தி ரீமேக்கை தொடருகிறார் லாரன்ஸ்
• 
  விஜய்யின் தந்தைக்கு காவி வேஷ்டி அனுப்பிய திருப்பூர் பாஜகவினர்