பானுப்பிரியா வழக்கில் திடீர் திருப்பம் : சிறுமி, தாய் கைது

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

02 பிப், 2019 - 10:33 IST

எழுத்தின் அளவு:

நடிகை பானுப்பிரியா தி.நகரில் வசித்து வருகிறார். அவரது வீட்டில் வேலை செய்ய ஆந்திராவில் இருந்து சந்தியா என்ற சிறுமியை அவரது தாயார் பிரபாவதி வேலைக்கு சேர்த்தார். திடீரென பிரபாவதி, "தன் மகளுக்கு 18 மாதமாக சம்பளம் வழங்கவில்லை. பானுப்ரியாவின் அண்ணன் கோபாலகிருஷ்ணன் என் மகளை உடல் ரீதியாகவும், மன ரீதியாகவும் துன்புறுத்துகிறார்" என்று ஆந்திர போலீசில் புகார் அளித்தார். இந்த புகார் தொடர்பாக தேனாம்பேட்டை போலீசார் பானுப்பிரியா வீட்டில் இருந்த சிறுமியை மீட்டு காப்பகத்தில் ஒப்படைத்தனர்.

இதற்கிடையே பானுப்ரியாவின் அண்ணன் கோபாலகிருஷ்ணன், பாண்டி பஜார் போலீசில் ஒரு புகார் அளித்தார். அதில் ஆந்திராவைச் சேர்ந்த 14 வயது சிறுமியை அவரது தாயார் ஒப்புதலுடன் வேலைக்கு சேர்த்தோம். இரண்டு மாதங்களுக்கு முன் அந்த சிறுமியின் தாயார் வீட்டுக்கு வந்தார். அவர் வந்து சென்ற பிறகு வீட்டில் இருந்த 10 சவரன் நகை, ஒரு லட்சம் பணம், ஒரு ஐபேட், ஒரு கேமரா, 2 வாட்ச் காணவில்லை. அவர்தான் திருடிச் சென்றுள்ளார். அவர் மீது நடவடிக்கை எடுக்க வேண்டும் என்று கூறியிருந்தார்.

இதைத் தொடர்ந்து பாண்டி பஜார் போலீசார், பிரபாவதியை அழைத்து விசாரித்தனர். அப்போது அவர், மகளின் உதவியுடன் திருடியதை ஒப்புக் கொண்டதாக தெரிகிறது. இதனால் போலீசார் இருவரையும் கைது செய்தனர்.

bhanupriya

கருத்துகள் (0) கருத்தைப் பதிவு செய்ய

தமிழகத்தின் பெருமை இளையராஜா ...

தமிழில் வெளிவரும், விஜய் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய