Dinamalar

அமைதியாக வரும் 'வந்தா ராஜாவாதான் வருவேன்'

எழுத்தின் அளவு:

தெலுங்கில் 2013ம் ஆண்டு வெளிவந்து மாபெரும் வெற்றி பெற்று பங்குத் தொகையாக மட்டும் 75 கோடியைக் கொடுத்து சுமார் 175 கோடி வசூலைப் பெற்ற படம் 'அத்தாரின்டிக்கி தாரேதி'.

பவன் கல்யாண், சமந்தா, பிரணிதா, நதியா மற்றும் பலர் நடித்த இந்தப் படம், பவன் கல்யாண் நடித்த படங்களிலேயே ஒரு இனிமையான, சுவாரசியமான படம் என்ற பெயரைப் பெற்றது. சமந்தாவின் கதாபாத்திரம், நதியாவின் கதாபாத்திரம், அதில் அவர்களது நடிப்பு என படம் இப்போதும் தெலுங்கு ரசிகர்களை பேச வைத்துக் கொண்டிருக்கிறது.

அப்படிப்பட்ட ஒரு படத்தை தமிழில் ரீமேக் செய்து, எந்த ஒரு பரபரப்பும் இல்லாமல் நாளை 'வந்தா ராஜாவாதான் வருவேன்' என ஒரு ராஜாவுக்குரிய வரவேற்புடன் வெளியிடாமல் ஒரு தொண்டர் படம் போல வெளியிடுகிறார்கள். அது திரையுலகத்தில் உள்ளவர்களையும் சிம்பு ரசிகர்களையும் ஆச்சரியப்படுத்தி உள்ளது.

இந்தப் படத்திற்காக இதுவரை எந்த ஒரு பத்திரிகையாளர் சந்திப்பும், இசை மற்றும் டிரைலர் வெளியீட்டு விழாவும் நடைபெறவில்லை. இப்படி ஒரு படம் வெளிவருகிறது என்பது சிம்பு ரசிகர்களைத் தவிர மற்றவர்களுக்குத் தெரியுமா என்பதும் ஆச்சரியம்தான். இத்தனைக்கும் படத்தைத் தயாரித்த நிறுவனமான லைகா புரொடக்ஷன்ஸ் தான், தற்போது தமிழ் சினிமாவில் மிகப் பெரும் தயாரிப்பு நிறுவனம். அப்படியிருக்கையில் எப்படி இந்தப் படத்தை இப்படி ஒரு குறைவான சுய விளம்பரத்துடன் வெளியிடுகிறார்கள் என்பது தெரியவில்லை.

இதற்கு முன் இந்நிறுவனம் தயாரித்து வெளியிட்ட '2.0' படத்திற்கு பெரிய அளவில் எதிர்பார்த்த சாதனை வசூல் கிடைக்கவில்லை என்பதால் இருக்கலாம் என கோலிவுட்டில் தெரிவிக்கிறார்கள்.

• 
  பள்ளி மாணவியாக தீபிகா படுகோனே ; லீக்கான வீடியோ
• 
  காஞ்சனா ஹிந்தி ரீமேக் நாளை ஆரம்பம்
• 
  மலையாள ரசிகர்களின் அன்பில் உருகிய சன்னி லியோன்
• 
  தேர்தல் எதிரொலி: மம்தா பானர்ஜி படத்துக்கும் எதிர்ப்பு
• 
  விழிப்புணர்வு ஏற்படுத்தும் சோனாலி!

• 
  மிஸ்டர் லோக்கல் தியேட்டர்களில் தேவராட்டம்
• 
  கைவிட்ட விஜய்சேதுபதி, கைகொடுத்த ஜெயம்ரவி
• 
  மீண்டும் இணையும் சித்தார்த்-த்ரிஷா
• 
  சமந்தாவிற்கு இரட்டிப்பு மகிழ்ச்சி
• 
  வேசியாக அழைக்கப்பட்ட நான் கதாநாயகியாகி விட்டேன் : ஸ்ரீரெட்டி