டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ஷாரூக்கான், அனுஷ்கா சர்மா, காத்ரினா கைப் நடித்து ஆனந்த் எல் ராய் இயக்கத்தில் கடந்த வாரம் வெளிவந்த 'ஜீரோ' படம் பெரிய வெற்றியைப் பெறாதது ஷாரூக் உள்ளிட்ட படக்குழுவினருக்கு அதிர்ச்சியை அளித்துள்ளதாம். இதுவரை சுமார் 60 கோடி வரையில்தான் வசூலித்துள்ளதாக பாலிவுட் வட்டாரங்கள் தெரிவிக்கின்றன. சுமார் 200 கோடி ரூபாய் செலவு செய்து எடுக்கப்பட்டுள்ள படம், அந்த வசூலையாவது தொடுமா என்று சந்தேகம் எழுந்துள்ளதாம்.
ஷாரூக் நடித்து கடைசியாக வந்த சில படங்கள் மற்ற பாலிவுட் ஹீரோக்களின் படங்களுடன் ஒப்பிடுகையில் பெரிய வசூல் சாதனையைப் பெறவில்லை. அதனால், தனக்கு அடுத்து ஒரு பெரிய வெற்றி வேண்டும் என அவர் முடிவெடுத்துள்ளாராம். ஏற்கெனவே, 'விக்ரம் வேதா' படத்தின் ரீமேக்கில் அவர் நடிப்பதாகச் சொல்லப்பட்டது.
ஆனால், அதற்காக அவர் இரண்டு கண்டிஷன்களைச் சொல்லியிருந்தார். தமிழில் மாதவன் நடித்த கதாபாத்திரத்தில் அவரே நடிக்க வேண்டும் என்றும், தமிழில் படத்தை இயக்கிய புஷ்கர்-காயத்ரி ஹிந்தியில் இயக்க வேண்டாம் என்றும் சொல்லியிருந்தார். அதனால், அப்படத்தின் ஆரம்பமும் தள்ளிக் கொண்டே போனது.
இப்போது அந்த கண்டிஷன்களை ஷாரூக் மீண்டும் சொல்வாரா, அல்லது அவருடைய முடிவை மாற்றிக் கொண்டு படத்தில் நடிக்க சம்மதிப்பாரா என்பது விரைவில் தெரிய வரும்.