Dinamalar

'இந்தியன் -2' தள்ளிப் போவது ஏன்?

கடந்த 1996ல், நடிகர் கமல் நடிக்க வெளியான படம் 'இந்தியன்'. ஷங்கர் இயக்கத்தில் வெளியான இந்தப் படம் பரபரப்பாக பேசப்பட்டது. வசூலையும் குவித்தது. இதைத் தொடர்ந்து, அந்த படத்தின் இரண்டாம் பாகத்தை துவங்க வேண்டும் என்று, பலரும் இயக்குநர் ஷங்கரிடம் வலியுறுத்தினர். காலம் வரும்போது, படம் எடுக்கலாம் என கூறி வந்தார் ஷங்கர்.

தற்போது அதற்கான காலம் வந்திருப்பதாக உணர்ந்து, அதே கமலை வைத்து, 'இந்தியன் -2'வை இயக்குகிறார் ஷங்கர். இந்தப் படத்துக்கான பூஜை போடப்பட்டு பிரம்மாண்ட செட்களுக்கும் ஏற்பாடு செய்யப்பட்டு, படபிடிப்பு துவங்க இருந்த நிலையில், செட் அமைக்கும் பணியில் கால தாமதமாகும் என்பதால், பட ஷூட்டிங்கை, ஜனவரிக்குத் தள்ளி வைத்துள்ளனர்.

அதோடு, அரசியலில் தீவிரமாக இருக்கும் நடிகர் கமல், படத்துக்கு ஏற்றபடி தன்னுடைய உடல் அமைப்புகளை மாற்ற வேண்டும்; அதற்கு சில காலம் வேண்டும் என்று படத் தயாரிப்புக் குழுவிடம் கேட்டுக் கொள்ள, அவர்களும் அதற்கு ஒப்புக் கொண்டனர். அதே போல, பட நாயகியான காஜல் அகர்வால், படத்துக்காக களரி வர்மக்கலையைக் கற்று வருகிறார்.

இப்படி பல்வேறு காரணங்களால், படபிடிப்புத் தள்ளிப் போயிருக்கிறது. அடுத்தாண்டு துவக்கத்தில் படபிடிப்பைத் துவங்கி, அந்தாண்டு முடிவதற்குள் படபிடிப்புகள் முடிந்து, 2020ம் ஆண்டு பொங்கல் நாளில் படத்தை ரிலீஸ் செய்ய முடிவெடுத்துள்ளதாகக் கூறப்படுகிறது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்