பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
சிவ இயக்கும் விஸ்வாசம்' படத்தை தொடர்ந்து, சதுரங்கவேட்டை, 'தீரன் அதிகாரம் ஒன்று' படங்களை இயக்கிய எச்.வினோத் இயக்கும் படத்தில் நடிக்கிறார் அஜித். அஜித்தின் 59-வது படமாக உருவாகும் இந்த படத்தின் பூஜை நேற்று சென்னையில் நடைபெற்றது.
சில வருடங்களுக்கு முன் வெளியாகி வெற்றியடைந்த 'பிங்க்' ஹிந்தி படத்தின் ரீ-மேக்காக உருவாகும் இந்த படத்திற்கான நடிகர், நடிகைகளின் தேர்வு நடந்து வருகிறது. இந்நிலையில் இப்படத்தில் முக்கிய வேடத்தில் 'அன்பானவன் அசராதவன் அடங்காதவன்' படத்தை இயக்கிய ஆதிக் ரவிச்சந்திரன் நடிக்க இருக்கிறார்.
அதாவது, கதைப்படி ஒரு பார்ட்டிக்கு செல்லும் டாப்ஸி உட்பட மூன்று பெண்களை, அதே பார்ட்டிக்கு வரும் பெரிய இடத்தைச் சேர்ந்த மூன்று இளைஞர்கள் பாலியல் தொல்லை கொடுப்பார்கள். அதன் தொடர்ச்சியாய் இந்த பிரச்சனை நீதிமன்றத்துக்கு செல்கிறது! இந்த பிரச்சனையில் சிக்கிக் கொள்ளும் அந்த மூன்று இளைஞர்களில் ஒருவராகத்தான் இயக்குனர் ஆதிக் ரவிச்சந்திரன் நடிக்கிறார்.
இது குறித்த எந்த அதிகாரபூர்வ அறிவிப்பும் வெளியாகவில்லை என்றாலும் ஆதிக் ரவிசந்திரன், அஜித் படத்தில் நடிப்பது உறுதி என்றே படக்குழுவினர் தெரிவிக்கின்றனர். இப்படத்தை மறைந்த நடிகை ஸ்ரீதேவியின் கணவர் போனி கபூர் தயாரிக்கிறார்.