சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
யு டியுபில் தற்போது நடந்து வரும் போட்டியைப் பார்த்தால் மாமனார் ரஜினிகாந்த்துக்கும், மருமகன் தனுஷுக்கும் நடக்கிறதா அல்லது முன்னாள் நண்பர்களான அனிருத்திற்கும், தனுஷுக்கும் நடக்கிறதா என்று சந்தேகம் இருக்கிறது.
'மாரி 2' படத்தின் முதல் சிங்கிளான 'ரௌடி பேபி' பாடலை பத்து நாட்களுக்கு முன்பு தனுஷ் வெளியிட்டார். அதற்கடுத்த சில நாட்களில் 'பேட்ட' படத்தின் சிங்கிள் பாடலான 'மரண மாஸ்' பாடல் வெளியானது. 'பேட்ட' பாடலை விட 'மாரி 2' பாடல் 30 லட்சம் பார்வைகளுடன் முன்னணியில் உள்ளது.
அடுத்து நேற்று 'பேட்ட' படத்தின் இரண்டாவது சிங்கிளான 'உல்லலலா' பாடலை வெளியிட்டார்கள். இன்று 'மாரி 2' படத்தின் இரண்டாவது சிங்கிளான 'மாரி கெத்து' பாடலை வெளியிட்டுள்ளார்கள்.
யு டியூபில் இந்த இரண்டு படங்களின் பாடல்கள்தான் டிரென்டிங்கில் அடுத்தடுத்து போட்டி போட்டு வருகின்றன. ரஜினிக்குப் போட்டியாக தன் படப் பாடலை தனுஷ் வெளியிடுவது போலத் தெரியவில்லை. 'பேட்ட' படத்திற்கு இசையமைத்துள்ள அனிருத்திற்குப் போட்டியாகவே 'மாரி 2' பாடல்களை வெளியிடுவது போலத் தெரிகிறது.
அனிருத்தை விட்டுப் பிரிந்த பிறகு தனுஷ் நடிப்பில் வெளிவந்த படங்களின் பாடல்கள் பெரிய சாதனையைப் படைக்கவில்லை. 'மாரி' படத்தில் அனிருத்தின் இசையில் அனைத்துப் பாடல்களும் சூப்பர் ஹிட். இப்போது மீண்டும் யுவனுடன் தனுஷ் ஜோடி சேர்ந்துள்ள 'மாரி 2' பாடல்களும் சூப்பர் ஹிட்டாகி வருகிறது. யு டியுபில் அனிருத் ரசிகர்களுக்கும், யுவன் ரசிகர்களுக்கும் நடக்கும் சண்டைகளே இதற்கு சாட்சி.