Dinamalar

கஜா புயல் : சிவகுமார் குடும்பம் ரூ.50 லட்சம் நிதி

கடந்த சில தினங்களுக்கு முன்னர் கஜா புயல் தமிழகத்தை தாக்கி சேதத்தை ஏற்படுத்தி சென்றுள்ளது. குறிப்பாக கடலூர், நாகை உள்ளிட்ட கடலோர மாவட்டங்களும், தஞ்சாவூர், புதுக்கோட்டை, திருவாரூர் உள்ளிட்ட டெல்டா மாவட்டங்களும் கடும் சேதத்தை சந்தித்தன. இவற்றை மீட்டெடுக்க தமிழக அரசு போராடி வருகிறது.

கேரள புயலுக்கு நிதியுதவி அளித்த நடிகர்களின் பட்டியலையும், அவர்கள் அளித்த தொகையையும் குறிப்பிட்டு, அவர்கள் தமிழ்நாட்டைப் பாதித்த புயலுக்கு நிதியுதவி அளிக்காமல் அமைதி காப்பதை சுட்டிக்காட்டி சமூக வலைதளங்களில் பலர் கிண்டல் செய்து வந்தனர்.

இந்நிலையில், நடிகர் சிவகுமார் குடும்பத்தினர் சார்பில் ரூ.50 லட்சம் நிதி வழங்கப்படுவதாக சூர்யா அறிவித்துள்ளார். அவர்கள் நடத்தி வரும் அறக்கட்டளை சார்பாக சிவகுமார், சூர்யா, கார்த்தி ஆகியோர் சார்பில் இந்த தொகை வழங்கப்படுவதாக தெரிவிக்கப்பட்டுள்ளது.

கஜா புயலுக்கு திரைநட்சத்திரங்கள் சார்பில் முதல் ஆளாக சிவகுமார் குடும்பத்தினர் நிதியுதவி அளித்துள்ளனர். இதையடுத்து மேலும் பலர் நிதியுதவி அளிப்பார்கள் என தெரிகிறது.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்