'குரங்கு பெடல்' 80ஸ் கிட்ஸின் கதை : கமலக்கண்ணன் | மே 17ல் வருகிறார் சத்யபாமா | பிளாஷ்பேக் : ஜானகியை காத்த ராமன் | 'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு | சிறிய படங்களை நசுக்குகிறதா ரீ-ரிலீஸ் படங்கள்? | சைக்கிளில் சென்று ஓட்டு போட்டது ஏன் : விஷால் |
தியேட்டர்களில் ஓடிக் கொண்டிருக்கும் படங்கள் டிவிக்களில் ஒளிபரப்பு செய்யப்படுவது கடந்த சில வருடங்களாகவே நடந்து வருகிறது. பெரிய அளவில் வசூலைக் குவிக்காத படங்களைத்தான் அப்படி ஒளிபரப்பிக் கொண்டிருந்தார்கள். ஆனால், அனைவராலும் பாராட்டப்பட்டு, ரசிக்கப்பட்டு, வசூலில் சாதனை செய்து கொண்டிருக்கும் '96' படத்தை தீபாவளியை முன்னிட்டு நாளை டிவியில் ஒளிபரப்பு செய்வதாக சில நாட்களுக்கு முன்பே அறிவித்தார்கள்.
அதனால், அந்தப் படத்தின் வசூல் கடந்த நான்கு நாட்களாக மிகவும் குறைந்துவிட்டது. போன வாரம் சனி, ஞாயிற்றுக் கிழமைகளில் கூட '96' படம் பல தியேட்டர்களில் அரங்கு நிறைந்த காட்சிகளாக ஓடியது. ஆனால், '96' படம் டிவியில் ஒளிபரப்பாகும் என்ற அறிவிப்பு வெளியான பின் நேற்று ஞாயிற்றுக் கிழமையும், அதற்கு முன் தினம் சனிக்கிழமையும் இந்தப் படத்திற்கான முன்பதிவு அப்படியே குறைந்துவிட்டது.
டிவியில் ஒளிபரப்பாகும் என்ற அறிவிப்பை இன்று திங்கள்கிழமை வெளியிட்டிருந்தால் அந்த வசூலாவது சில லட்சங்கள் படத்திற்குக் கிடைத்திருக்கும். அதுவும் தற்போது கிடைக்காமல் போய்விட்டது. டிவியில் நாளைய ஒளிபரப்பு இல்லாமல் இருந்தால் தீபாவளி தினத்தன்றைய வசூலும் படத்திற்கு மேலும் கிடைத்திருக்கும் என்று தியேட்டர் வட்டாரங்களில் வருத்தப்படுகிறார்கள்.
டிவியில் படத்தை ஒளிபரப்பக் கூடாது என படத்தின் நாயகி த்ரிஷாவின் டிவீட்டுக்குக் கூட பல்லாயிரம் பேர் 'லைக்' தெரிவித்திருக்கிறார்கள்.