ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
பிரேம் குமார் இயக்கத்தில் விஜய் சேதுபதி, த்ரிஷா நடித்துள்ள 96 படம் வெளியாகி வரவேற்பை பெற்றுள்ளன. தயாரிப்பாளர் நந்தகோபால் விஷாலுக்கு கொடுக்க வேண்டிய பணத்தை தராததால் இப்படம் ரிலீஸாவதில் பிரச்னை ஏற்பட்டது. விஜய் சேதுபதி அதை சரி செய்து படத்தை ரிலீஸ் செய்ய உதவினார்.
இப்படத்தின் சக்சஸ் மீட் நிகழ்ச்சி நடந்தது. விஜய்சேதுபதி பேசியதாவது : 96 படம் ரிலீஸ் பிரச்னையில் யாரும் யார் மீதும் குறை சொல்ல முடியாது. என் வாழ்க்கையில் பிரச்னை வரும் போது கண்டிப்பாக அடுத்தக்கட்டத்திற்கு போவேன் என நம்புவேன். இதுபோன்று பல பிரச்னைகளை கடந்து வந்துள்ளேன்.
விஷால் எவ்வளவு பணத்தை விட்டு கொடுத்தார் என்று தெரியவில்லை. சிவகார்த்திகேயன், விமலுக்கு நடந்தது தான் இப்போது எனக்கும் நடந்து இருக்கிறது. விஷால் மீது வருத்தம் இல்லை. சினிமாவில் இது காலம் காலமாக நடக்கிறது.
சினிமா துறையில் பிரச்னை இருக்கு. அதில் 5 சதவீதம் தான் வெளியில் தெரிகிறது. மற்றவைகளை யாரும் வெளியில் சொல்ல முடியவில்லை. இந்த பிரச்னைகளுக்கு எல்லாமே தீர்வே கிடையாது. அதைப்பற்றி பேசி என்ன பயன். எனக்கு எனது படம் வெளிவர வேண்டும். மக்கள் ரசிக்க வேண்டும். சினிமா துறை சிஸ்டத்தில் குறைபாடு உள்ளது.
96 படத்தின் வெற்றி பிரேம் குமார் ஒருவருக்கே சொந்தமானது. 4-ம் வகுப்பு படித்த முதல் காதல் வந்தது. எல்லாமே ஒன்சைடு லவ் தான். மனைவியிடம் மட்டுமே காதலை சொல்லியிருக்கிறேன்.
இவ்வாறு விஜய் சேதுபதி கூறினார்.