ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
தெலுங்குத் திரையுலகத்தின் தற்போதைய இளம் முன்னணி நாயகனான விஜய் தேவரகொண்டா, தமிழில் அறிமுகமாகும் 'நோட்டா' படம் இன்று உலகம் முழுவதும் வெளியானது. இப்படத்தின் அதிகாலை சிறப்புக் காட்சி சென்னையில் உள்ள சில தியேட்டர்களில் அதிகாலை 5 மணிக்கு நடைபெற்றது. இதில், சென்னையில் உள்ள ரோகிணி திரையரங்கில் படத்தின் நாயகன் விஜய் தேவரகொண்டா, படக்குழுவினருடன் பார்த்து ரசித்தார்.
தியேட்டரில் ரசிகர்கள் முன்னிலையில் பேச வந்த விஜய் தேவரகொண்டாவுக்கு ரசிகர்கள் உற்சாக வரவேற்பு அளித்தனர். அவர் பேசியதை பலரும் செல்போன்களில் படம் பிடித்து, உற்சாகமாக ஆரவாரம் செய்தனர். அவர்களின் அன்பில் நனைந்த விஜய், தமிழிலேயே பேசி ரசிகர்களுக்கு நன்றி தெரிவித்தார்.
“எப்படி இருக்கீங்க. என்னோட வாழ்க்கையில முதல் முறையா இந்த நேரத்துல ஒரு படம் பார்க்கிறேன். உங்க எல்லாருக்கும் இந்தப் படத்தை நான் டெடிகேட் பண்றேன். உங்க எல்லாருக்கும் பெரிய நன்றி. படத்தின் இயக்குனர், தயாரிப்பாளர் எல்லாரும் இங்கதான் படம் பார்த்துட்டிருக்கிறார்கள்,” என்று தமிழில் பேசினார்.