இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
இந்தியாவின் பிரபல இயக்குனரான ஷியாம் பெனகலிடம் உதவி இயக்குனராக பணியாற்றி பாலிவுட்டில் இயக்குனர் ஆனவர் கல்பனா லஜ்மி. பிரபல நடிகை தீபிகா படுகோனேவின் உறவினர். 40 வருடங்களாக திரைத் துறையில் இருந்த கல்பவான இயக்கியது 10 படங்கள்தான். ஆனால் அத்தனை படங்களும் ஏதோ ஒரு வகையில் சிறப்பானதாக இருக்கும். அல்லது விருதுகளை குவித்திருக்கும்.
பெண்களுக்கு முக்கியத்துவம் அளிக்கும் கதையம்சம் உள்ள படங்களை இயக்கி கவனம் பெற்றவர். ஏக்பல், டாமன், ருடாலி, சிங்காரி உள்ளிட்ட பல படங்கள் ரசிகர்கள் மத்தியில் வரவேற்பை பெற்றன. ருடாலி படத்தில் ராஜ் பப்பர், டிம்பிள் கபாடியா நடித்து இருந்தனர். இந்தப் படம் சிறந்த வெளிநாட்டு பட பிரிவுக்கான ஆஸ்கார் விருதுக்கு இந்தியா சார்பில் அனுப்பி வைக்கப்பட்டு இருந்தது. இவர் இயக்கிய கடைசி படம் சிங்காரி. இதில் மிதுன் சக்கரவர்த்தி, சுஷ்மிதா சென் நடித்து இருந்தனர்.
64 வயதான கல்பனாவுக்கு புற்றுநோய் பாதிப்பு ஏற்பட்டது. இதற்காக தீவிர சிகிச்சை எடுத்து வந்தார். இந்த நிலையில் கடந்த சில மாதங்களாக அவருக்கு சிறுநீரக கோளாறும் ஏற்பட்டது. இதை தொடர்ந்து சிகிச்சைக்காக மும்பையில் உள்ள மருத்துவமனையில் சேர்க்கப்பட்ட அவர் சிகிச்சை பலன் இன்றி இறந்தார். அவரது உடலுக்கு பாலிவுட் முன்னணி நடிகர் நடிகைகள் திரண்டு வந்து அஞ்சலி செலுத்தினர்.