Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சூப்பர்மேன் எம்.ஜி.ஆர் : ரூ.500 கோடியில் 3டி-யில் பிரம்மாண்டம்

18 செப், 2018 - 12:48 IST
எழுத்தின் அளவு:
MGR-turn-as-super-man-in-Digital-format

மக்கள் திலகம் எம்.ஜி.ஆரின் வாழ்க்கை வரலாறு தற்போது காமராஜர் படத்தை இயக்கிய பாலகிருஷ்ணன் இயக்கத்தில் உருவாகி வருகிறது. உலகம் சுற்றும் வாலிபன் படத்தின் தொடர்ச்சியாக கிழக்கு ஆப்பிரிக்காவில் ராஜூ படம் அனிமேஷன் தொழில் நுட்பத்தில் தயாராகி வருகிறது. இதனை ஐசரி கணேசன் தயாரிக்கிறார்.

இந்த நிலையில் ஹாலிவுட் சூப்பர் ஹீரோக்களான பேட் மேன், ஸ்பைடர் மேன் பாணியில் எம்.ஜி.ஆரை சூப்பர் ஹீரோவாக மாற்றி என் ஐ என்ற நவீன தொழில் நுட்பத்தில் உருவாக பிரமாண்ட படம் உருவாக இருக்கிறது. தமிழ், ஆங்கிலம், மலேயா உள்ளிட்ட பல மொழிகளில் தயாராகும் இந்தப் படத்தை பி.வாசு இயக்குகிறார். ஆரஞ்ச் கவுண்டி என்ற மலேசிய நிறுவனம் தயாரிக்கிறது. இதுகுறித்து அந்த நிறுவனத்தின் தலைமை செயலாளர் டத்தோ மார்கழி பனி, தொழில்நுட்ப அதிகாரி விமலநாதன் ஆகியோர் கூறியதாவது:


மலேசியாவின் சர்வதேச ஊடக தொழிற்நுட்ப நிறுவனமாக எங்கள் ஆரஞ்ச் கவுண்டி செயல்பட்டு வருகிறது. எங்களின் கண்டுபிடிப்புதான் என் பேஸ் என்கிற நவீன தொழில்நுட்பம். இது அனிமேஷன் தொழில் நுட்பம் அல்ல. நிஜமான தோற்றத்தை அதி நவீன கிராபிக்ஸ் தொழில்நுட்பத்தை கொண்டு உருவாக்குவதாகும். இத்தொழிற்நுட்பத்தை கொண்டு கடந்த கால கதாபாத்திரங்களை உயிரோட்டமாக திரையில் உருவாக்கும் ஒரு மென்பொருளை உருவாக்கி உள்ளோம்.


எங்கள் நிறுவனமும், முன்னணி சர்வதேச ஹாலிவுட் வி.எப்.எக்ஸ் தொழிற்நுட்ப வல்லுனர்களும் இணைந்து, மக்கள் திலகம் எம்.ஜி.ஆரை, ஒரு சர்வதேச திரைப்படத்தின் மூலமாக மக்கள் முன் மீண்டும் உயிரோட்டமாக காட்சிப்படுத்த இருக்கிறோம். இதனை பி.வாசு இயக்குகிறார். இயக்குனர் வாசுவின் தந்தை, எம்.ஜி.ஆரின் ஒப்பனை கலைஞராக பணியாற்றிய காரணத்தால், எம்.ஜி.ஆரின் மிக நுண்மையான அசைவுகள், நடத்தைகள், முகபாவங்கள் அனைத்தையும் மிக அருகிலேயே இருந்து, கூர்ந்து கவனிக்கும் வாய்ப்பும், அவரோடு நெருங்கி பழகும் வாய்ப்பும், இயக்குனர் வாசுவிற்கு இயல்பாகவே அமைந்தது. அதனாலேயே இத்திரைப்படத்தை இயக்குவதற்கு சரியான தேர்வாக அவரை கருதுகிறோம்.


கதை களமும், கதாபாத்திரங்களும் முறையே மலேசியாவிலும், இந்தியாவிலும் பதிவு செய்யப்பட்டுள்ள நிலையில், இந்திய, பிராந்திய மற்றும் சர்வதேச நடிக-நடிகையர்கள் மற்றும் கலைஞர்கள் இதில் பங்குபெற இருக்கிறார்கள். சர்வதேச தயாரிப்பான இத்திரைப்படம் இந்தியா, மலேசியா, சிங்கப்பூர், சீனா, தாய்லாந்து மற்றும் அமெரிக்காவிலும் படமாக்கப்பட இருக்கிறது. இத்திரைப்படம் முழுவதுமே 3டி முறையில் தயாரிக்கப்படுவதாலும், ஒவ்வொரு காட்சியுமே 3டியில் காட்சிப்படுத்தப்பட இருப்பதாலும், இது மக்களுக்கு ஒரு பெரிய விருந்தாக அமையும். இந்திய ரூபாய் மதிப்பின்படி சுமாராக 500 கோடி வரை செலவாகலாம். ஆனால் அதனை அறுதியிட்டு கூற இயலாது.


இவ்வாறு அவர்கள் கூறினார்கள்.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in