தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ஆரண்ய காண்டம் என்ற ஒரே படத்தின் மூலம் கவனிக்கப்பட்ட இயக்குனர் ஆனார் தியாகராஜன் குமாரராஜா. 5 ஆண்டுகளுக்கு பிறகு தற்போது இயக்கும் படம் சூப்பர் டீலக்ஸ். விஜய் சேதுபதி, பஹத் பாசில், சமந்தா, மிஷ்கின், ரம்யா கிருஷ்ணன், காயத்ரி உள்பட பலர் நடிக்கிறார்கள். யுவன் சங்கர் ராஜா இசை அமைக்கிறார். விஜய்சேதுபதி ஷில்பா என்ற திருநங்கை கேரக்டரில் நடிக்கிறார். இதனால் படத்துக்கு எதிர்பார்ப்பு அதிகரித்துள்ளது.
படப்பிடிப்பு பணிகள் முடிந்து தற்போது பின்னணி இசை கோர்ப்பு, டப்பிங், எடிட்டிங் பணிகள் நடந்து வருகின்றன. அக்டோபர் மாதம் படம் திரைக்கு வரலாம் என்று எதிர்பார்த்துக் கொண்டிருக்கும் நேரத்தில் படத்தை 2019ம் ஆண்டு வெளியிட திட்டமிட்டிருப்பதாக கூறப்படுகிறது.
இதற்கு காரணம் படத்தை மேற்கு தொடர்ச்சி மலை படம் போன்று உலக பட விழாக்களுக்கு முதலில் அனுப்ப திட்டமிட்டிருக்கிறார்கள். இதனால் பாடல் காட்சிகள் இல்லாமல், ஆங்கில சப் டைட்டிலுடன் படத்தை உருவாக்குகிறார்கள். முக்கியமான உலக படவிழாக்களில் திரையிட்டு விட்டு இறுதியாக தியேட்டரில் திரையிட முடிவு செய்திருப்பதாக தகவல்கள் தெரிவிக்கின்றன.