டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
நடிகர் ரஜினிகாந்த்தின் அண்ணன் சத்ய நாராயண ராவ்வின் மனைவி கலாவதிபாய்(வயது 70) உடல்நலக்குறைவால் பெங்களூருவில் காலமானார்.
நடிகர் ரஜினி சிறுவயதாக இருக்கும்போதே அவரது பெற்றோர்கள் இறந்துவிட்டனர். இதனால் ரஜினிக்கு தந்தையை போன்றும், தாயை போன்றும் உறுதுணையாக இருந்தவர்கள் அவரின் அண்ணன் சத்ய நாராயண ராவ் மற்றும் அவரது மனைவி கலாவதிபாய். ரஜினியின் வளர்ச்சியில் இவர்களின் பங்கு முக்கியமானது. ரஜினி அளித்த பேட்டி ஒன்றில் தனக்கு தாய் போன்றவர் கலாவதி பாய் எனது தனது அண்ணியை குறிப்பிட்டிருக்கிறார்.
பெங்களூருவில் வசித்து வந்த கலாவதிபாய், சிறுநீரக் கோளாறு மற்றும் சர்க்கரை நோயால் அவதிப்பட்டு வந்தார். அங்குள்ள அப்பல்லோவில் அனுமதிக்கப்பட்டு சிகிச்சை பெற்று வந்தவருக்கு, நேற்று இரவு மாரடைப்பு ஏற்பட சிகிச்சை பலன் இன்றி காலமானார்.
அண்ணி இறந்த தகவல் அறிந்த ரஜினி, இன்று காலை பெங்களூரு புறப்பட்டு சென்றார். கலாவதிபாய் உடல், அஞ்சலிக்காக குரு கிருபா இல்லத்தில் வைக்கப்பட்டது.
நடிகர் ரஜினிகாந்த் தனது மனைவி, மகள்களுடன் சென்று அஞ்சலி செலுத்தினார். பின்னர் அவரது உடலுக்கு இறுதிச்சடங்குகள் செய்யப்பட்டன.
சத்ய நாராயணன் - கலாவதி பாய் தம்பதியருக்கு ராமகிருஷ்ணன், மகாதேவ், பாண்டுரங்கன் என மூன்று மகன்களும், ராதாபாய் என்ற மகளும் உள்ளனர்.