இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ஹிந்தியில் 2014ம் ஆண்டில் கங்கனா ரணவத் நடித்து வெளிவந்த 'குயின்' படம், நல்ல வரவேற்பையும் வசூலையும் பெற்றது. அந்தப் படத்தை தென்னிந்திய மொழிகளான தமிழ், தெலுங்கு, மலையாளம், கன்னடம் ஆகிய மொழிகளில் ஒரே சமயத்தில் ரீமேக் செய்து தயாரித்து வருகின்றனர். அந்த நான்கு படங்களின் படப்பிடிப்பும் தற்போது நிறைவடைந்துள்ளது. அடுத்து இறுதிக் கட்டப் பணிகள் முடிவடைந்ததும் அக்டோபர் மாதத்தில் படத்தை வெளியிட உள்ளார்கள்.
தமிழில் 'பாரிஸ் பாரிஸ்', தெலுங்கில் 'மகாலட்சுமி', கன்னடத்தில் 'பட்டர்பிளை', மலையாளத்தில் 'ஜாம் ஜாம்' எனப் பெயர் வைத்துள்ளார்கள். தெலுங்குப் படமான 'மகாலட்சுமி' படத்தையும், மலையாளப் படமான 'ஜாம் ஜாம்' படத்தையும் நீலகண்டா இயக்கி வந்தார். ஆனால், அவருக்கும், தமன்னாவுக்கும் இடையில் பிரச்சினை ஏற்பட்டதால் படத்தின் படப்பிடிப்பு தடைபட்டது. அதன் பின்னர் நீலகண்டாவுக்குப் பதிலாக பிரசாந்த் வர்மா படத்தின் இயக்குனராக நியமிக்கப்பட்டார். அதன் பின்னரே படப்பிடிப்பு தொடர்ந்து நடந்தது. ஆனால், இந்த பிரச்சினை விவகாரம் பற்றிய உண்மை நிலவரம் வெளியில் வரவில்லை.
எப்படியோ, ஒரு வழியாக நான்கு மொழிகளின் படப்பிடிப்பையும் ஒருசேர முடித்துவிட்டார்கள். 'குயின்' படத்தின் தென்னிந்திய ரீமேக்கில் மற்ற நாயகிகள் எப்படியோ ஆனால், 'மகாலட்சுமி' ஆக அந்தக் கதாபாத்திரத்திற்கு, மிகவும் பொருத்தமாக தமன்னா இருக்கிறார் என தெலுங்குத் திரையுலக வட்டாரங்கள் தெரிவிக்கின்றன.