பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
ட்ரீம் வாரியர் பிக்சர்ஸ் நிறுவனம் தயாரிப்பில், செல்வராகவன் இயக்கத்தில் சூர்யா நடிப்பில் உருவாகி வரும் 'என்.ஜி.கே' படத்தின் படப்பிடிப்பு சென்னை, பொள்ளாச்சியில் நடைபெற்றது. சூர்யா உடன் படத்தின் நாயகிகளான ரகுல் ப்ரீத் சிங், சாய் பல்லவி கலந்து கொண்டனர்.
படப்பிடிப்புக்கு இடையே, செல்வராகவனுக்கு உடல்நிலை சரியில்லாமல் போனதால் அவர் மருத்துவமனையில் அனுமதிக்கப்பட்டு இருப்பதாக தகவல் வெளியானது.
இதனால், 'என்.ஜி.கே' படம் தீபாவளிக்கு வெளியாகாது என்றும் டிசம்பரில் வெளியாகும் என்றும் செய்திகள் வெளியாகின. இந்நிலையில், “வணக்கம் நண்பர்களே. இது சிறிய மருத்துவ பரிசோதனை தான். நான் மிகவும் நலமாக இருக்கிறேன். எனது வேலையைத் தொடங்கிவிட்டேன். என்.ஜி.கே படப்பிடிப்பு இன்னும் சில தினங்களில் தொடங்குகிறது. உங்கள் அனைவரது அன்புக்கும், அக்கறைக்கும் மீண்டும் நன்றி தெரிவித்துக் கொள்கிறேன்” என்று இயக்குநர் செல்வராகவன் தனது உடல்நிலை குறித்த வதந்திக்கு ட்விட்டரில் விளக்கம் அளித்திருந்தார்.
இயக்குநர் செல்வராகவன் தன்னுடைய உடல்நிலைகுறித்து விளக்கம் அளித்துவிட்டாலும், 'என்.ஜி.கே' படம் தீபாவளி வெளியீடாக வெளிவராது என்பதற்கான விளக்கம் வெளியாகவில்லை.
சர்கார் படம் தீபாவளிக்கு வெளியாவது உறுதியாகிவிட்டதால் 'என்.ஜி.கே' படத்தை தள்ளி வைக்க தயாரிப்பு தரப்பு தீர்மானித்துவிட்டது என்றும், அதற்கான முன்னோட்டம்தான் செல்வராகவனின் உடல்நிலை குறித்து வெளியான செய்தி என்கிறார்கள் படத்துறையினர்.