ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பிரதீப் கிருஷ்ணமூர்த்தி இயக்கிய 'சத்யா' படம் தான் சிபிராஜ் நடிப்பில் கடைசியாக வெளியான படம். கடந்த வருடம் டிசம்பர் 8-ம் தேதி வெளியான இந்தப் படத்தில் ரம்யா நம்பீசன் கதாநாயகியாகவும், முக்கிய வேடத்தில் வரலட்சுமி சரத்குமாரும் நடித்தனர்.
சத்யா படம் எதிர்பார்த்த அளவுக்கு ஓடவில்லை. இந்தப்படத்தைத் தொடர்ந்து வினோத் என்ற அறிமுக இயக்குநர் இயக்கத்தில் 'ரங்கா' என்ற படத்தில் நடித்து முடித்துள்ளார் சிபிராஜ். நிகிலா விமல் கதாநாயகியாக நடித்துள்ள இந்தப் படத்தில், முக்கிய வேடத்தில் சதீஷ் நடித்துள்ளார்.
இந்தநிலையில், புதிய படம் ஒன்றில் நடிக்கிறார் சிபிராஜ். இந்தப்படத்தை 'மதுபானக்கடை' படத்தின் மூலம் கவனத்தை ஈர்த்த கமலக்கண்ணன் இயக்க இருக்கிறார். சுமார் 6 வருடங்களுக்குப் பிறகு கமலக்கண்ணன் இயக்கும் படம் இது.
காதல் மற்றும் ஆக்ஷன் கலவையான இந்தப் படம், கோயம்புத்தூர் பின்னணியில் உருவாகிறது. கோயம்புத்தூர் பின்னணியில் எடுக்கப்பட்ட நாய்கள் ஜாக்கிரதை வெற்றிபெற்றதால் இந்தப்படத்தையும் கோவையில் எடுக்கின்றனர்.
ட்ரீம் வாரியர் பிக்சர்ஸ் நிறுவனம் தயாரிக்கும் இந்தப் படத்துக்கு 'வட்டம்' என்று தலைப்பு வைத்துள்ளனர். இந்தப் படத்தை அடுத்து, ஈஸ்வர் கார்த்திக் என்பவரது இயக்கத்திலும் ஒரு படத்தில் நடிக்க இருக்கிறார் சிபிராஜ்.