தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
செல்வராகவன் இயக்கத்தில் சூர்யா முதன் முறையாக நடிக்கும் படம் 'என்ஜிகே'. இன்று ஜுலை 23ம் தேதி சூர்யாவின் பிறந்தநாளை முன்னிட்டு நேற்று இப்படத்தின் இரண்டாவது பார்வையை வெளியிட்டார்கள். 'என்ஜிகே' என்றால் என்ன என்பது பற்றி இத்தனை நாட்களாக இருந்த சஸ்பென்சை நேற்று இரண்டாவது பார்வை மூலம் உடைத்துவிட்டார்கள்.
'என்ஜிகே' என்றால் 'நந்த கோபாலன் குமரன்' என தமிழிலும், தெலுங்கில் 'நந்த கோபால கிருஷ்ணா' என்றும் 'என்ஜிகே'விற்கான விவரத்தைக் கொடுத்திருக்கிறார்கள். இப்படத்தின் படப்பிடிப்பு புகைப்படங்களைப் பார்த்தபோது இது ஒரு அரசியல் படமாக இருக்கலாம் என்று யூகிக்க முடிகிறது. இப்போது 'நந்த கோபாலன் குமரன்' என சொல்லியிருப்பதைப் பார்க்கும் போது படத்தில் சூர்யா மூன்று கதாபாத்திரங்களில் நடிக்கிறாரா அல்லது மூன்று தோற்றங்களில் நடிக்கிறாரா என அடுத்த சந்தேகத்தை எழுப்பியுள்ளது.
இரண்டாவது பார்வையில் சூர்யா சீரியசான மேல்நோக்கிய பார்வையில் சட்டை காலரை மட்டும் தூக்கிவிட்டுக் கொண்டிருக்கிறார். பின்னணியில் பலரும் கொண்டாட்டமாக இருக்கும், கடைசியில் காவல்துறையினரும் உள்ளார்கள்.
சூர்யா ரசிகர்களிடம் பெரிய வரவேற்பை இந்த போஸ்டர் பெற்றுள்ளது. செல்வராகவன் - சூர்யா கூட்டணி மீதான எதிர்பார்ப்பு இந்த இரண்டாவது பார்வைக்குப் பிறகு இன்னும் கொஞ்சம் கூடுதலாகியுள்ளது.