'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தமிழ் சினிமாவில் திடீரென அரசியல் படங்கள் டிரென்ட் உருவாகி உள்ளன. பல வருடங்களாகவே அரசியல் படங்கள் வருவது குறைந்திருந்தது. பல படங்களில் ஒரு சில வசனங்கள் மட்டும்தான் அரசியல் என்ற நிலையில்தான் திரைப்படங்களில் அரசியல் இருந்தது.
ஆனால், தற்போது உருவாகி வரும் படங்களில் அரசியல் தான் மையம் என்பது போல அந்தப் படங்களைப் பற்றிய தகவல்களும், போஸ்டர்களும், பெயர்களும் தெரியப்படுத்துகின்றன.
மணிரத்னம் இயக்கி வரும் 'செக்கச் சிவந்த வானம்' படம் தொழிலாளர்களை மையப்படுத்திய அரசியல் படமாக உருவாகி வருகிறது என்கிறார்கள். ஏ.ஆர்.முருகதாஸ் இயக்கத்தில் விஜய் நடிக்கும் 'சர்கார்' படத்தின் கதை முற்றிலும் தற்கால அரசியல் நிகழ்வு என்ற பேச்சு பரவலாக எழுந்துள்ளது.
செல்வராகவன் இயக்கத்தில் சூர்யா நடிக்கும் 'என்ஜிகே' படமும் ஒரு அரசியல் படம்தான் என்று அந்தப் படத்தின் போஸ்டர்களும், புகைப்படங்களும் உணர்த்தின. வெங்கட்பிரபு இயக்கத்தில் சிம்பு நடிக்கும் 'மாநாடு' படத்தின் முதல் பார்வையும், பெயரும் இது அரசியல் படம்தான் என்று புரிய வைத்துள்ளன.
இந்த வரிசையில் அடுத்து யார் சினிமா அரசியலில் இறங்கப் போகிறார்களோ....?.