பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
கமலின் விஸ்வரூபம் படத்தில் இடம் பெற்ற "உன்னை காணாத..." பாடல் மிகவும் பிரபலம். கமலும், ஷங்கர் மகாதேவனும் இணைந்து பாடியிருந்தனர்.
இந்நிலையில், தோட்டத்தில் வேலை பார்க்கும் கூலி தொழிலாளி ஒருவர், இந்தப்பாடலை மிக அழகாக, அசால்ட்டாக பாடியிருக்கிறார். இவர் பாடிய பாடல் சமூக வலைதளங்களில் வைரலாக பரவியன.
பாடகர் ஷங்கர் மகாதேவன், தனது டுவிட்டரில் அந்த வீடியோவை ரீ-டுவீட் செய்து, “உழைப்புக்கு கிடைத்த பரிசு தான் இந்த இளைஞர் பாடும் பாட்டு. யாராவது இவரை கண்டுபிடிக்க உதவுங்கள், இவருடன் இணைந்து பாட ஆசை" என கூறியிருந்தார்.
இதையடுத்து நெட்டிசன்கள் அவரை தேட தொடங்கினார். தற்போது அந்த இளைஞர் யார் என்ற விபரம் தெரியவந்துள்ளது. இவர் கேரள மாநிலம் ஆலப்புழாவை சேர்ந்த ராகேஷ் உன்னி நூரநாடு என்பது தெரியவந்துள்ளது. அதோடு அவரின் மொபைல் நம்பரும் இணையதளங்களில் வெளியாக, அவரை ஏராளமான பேர் தொடர்பு கொண்டு பாராட்டி உள்ளனர்.
ஷங்கர் மகாதேவனும், ராகேஷை போனில் தொடர்பு கொண்டு பாராட்டியிருக்கிறார். அவருக்கு சிறப்பான எதிர்காலம் இருப்பதாகவும் தெரிவித்திருக்கிறார்.
இதனிடையே இயக்குநர் விக்னேஷ் சிவனும், ராகேஷின் போன் நம்பரை தன் டுவிட்டரில் பதிவிட, அதைப்பார்த்த இசையமைப்பாளர் சாம் சிஎஸ், எனது அடுத்தப்படத்தில் ராகேஷை பாட வைக்க போகிறேன் என தெரிவித்துள்ளார்.
விஸ்வரூபம் பட தலைப்பை போன்று ஓரிரு நாளிலேயே விஸ்வரூபம் எடுத்து உள்ளார் இந்த ராகேஷ் உன்னி.
This is called fruit of labour!
When we hear this, it just makes me feel so so proud of our country that produces so much talent and is so rich in culture. Who is this guy???
How can I trace him?
Need help & would like to work with him. pic.twitter.com/SWqGQkmChb
— Shankar Mahadevan (@Shankar_Live) June 30, 2018