ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
முன்னாள் மல்யுத்த வீரரும், ஹாலிவுட் ஆக்ஷ்ன் ஹீரோவுமான டுவைன் ஜான்சனுக்கு, தமிழில் தனி ரசிகர்கள் வட்டாரம் இருக்கிறது. கடைசியாக அவர் நடித்த ராம்பேஜ் படம் தமிழிலும் வெளிவந்து வசூலை அள்ளியது. அடுத்து அவரது நடிப்பில் வர இருக்கிறது, 'ஸ்கைஸ்கிராப்பர்'.
தீவிரவாதிகளால் கைப்பற்றப்படும் வானுயரக் கட்டடங்கள், அவற்றில் உயிரைப் பணயம் வைத்து கதாநாயகன் நிகழ்த்தும் சாகசங்களை அடிப்படையாக கொண்டு 'தி டவரிங் இன்பெர்னோ', 'டை ஹார்ட்' உள்ளிட்ட பல படங்கள் வெளிவந்தது. அந்த வரிசையில் வருகிறது 'ஸ்கைஸ்கிராப்பர்'.
நேப் கேம்ப்பெல் சின் ஹான், ரோலண்ட் மொல்லெர் உள்ளிட்டோர் உடன் நடிக்க, டுவைன் ஜான்சன் படத் தயாரிப்பிலும் இணைந்திருக்கிறார். ராசன் எம்.தர்பர் எழுதி இயக்கிய இந்தத் திரைப்படத்தை யுனிவர்சல் பிக்சர்ஸ் நிறுவனம் வெளியிடுகிறது.
துபாயின் புர்ஜ் கலிபாவை விட உயரமான கட்டடமாக, 240 தளங்களுடன் வானளாவும் புதிய கட்டடம் ஒன்று ஹாங்காங்கில் உருவாகிறது. கட்டடத்தின் தலைமை பாதுகாப்பு அலுவலராக எப்.பி.ஐ.யில் பணிபுரிந்த முன்னாள் அதிகாரியான டுவைன் ஜான்சன் பொறுப்பேற்கிறார். போர் முனையில் ஒரு காலை இழந்த இவர், இதே கட்டடத்தில் மனைவி குழந்தைகளுடன் தங்கி பணியைத் தொடருகிறார்.