டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ருத்ரபாத் புரொடக்ஷ்ன்ஸ் சார்பில் ஆனந்தவேலு மற்றும் பிரகாஷ் சுப்பிரமணியம் தயாரிக்கும் படம் "பைபாஸ்". தேசிய விருது பெற்ற ஹிந்திப் படமான நியூட்டனில் தமிழ் பேசும் ராணுவ வீரனாக நடித்த ராம், ஹீரோவாக நடிக்கிறார்.
அனுராக் காஷ்யப்பின் கேங்ஸ் ஆப் வசிப்பூர், பிளாக் பிரைடே படங்களில் நடித்துள்ள முராரி குமார் முக்கிய கேரக்டரில் நடிக்கிறார். இவர்கள் தவிர பிரதீப் நாயர், பிரயாஸ் ஆகியோரும் நடிக்கிறார்கள். தமிழ் மற்றும் ஹிந்தியில் தயாராகும் இந்தப் படத்தை அக்ஷ்ய் இயக்குகிறார். மார்டின் ஒளிப்பதிவு செய்கிறார். படம் பற்றி இயக்குனர் அக்ஷ்ய் கூறியதாவது:
தவறான வழியில் பணம் சம்பாதித்து பெரும் கோடீஸ்வரன் ஆன ஒருத்தன் கடைசியில் போலீசின் பிடிக்குள் வருகிறான். அங்கிருந்து தப்பும் அவன், உயிர் பிழைக்க மும்பையிலிருந்து காசிக்குத் தப்பிச் செல்கிறான். காசி அவனுடைய வாழ்க்கையை எப்படி மாற்றுகிறது என்பதுதான் படத்தின் கதை.
பணமே பிரதானம் என்று வாழும் சமூகம், மற்ற அனைத்தையும் இழந்து நிற்கிறது என்பதை சொல்லும் படம். காசியில் அகோரிகள் வாழும் பகுதிகளில் துணிச்சலுடன் சென்று படம் பிடித்திருக்கிறோம் என்கிறார் அக்ஷ்ய்.